അമേരിക്കയിലെ ഏറ്റവും വലിയ മലയാളി പ്രവാസി സംഘടനയായ ഫോമായുടെ (FOMAA) അന്താരാഷ്ട്ര കണ്വെന്ഷന് ഇനി ആഴ്ചകള്‍ മാത്രം ബാക്കി. സംഘടനയ്ക്ക് ജന്മം നല്‍കിയ ഹ്യൂസ്റ്റണില്‍ നടക്കുന്ന ഈ മഹാസമ്മേളനം ലോകോത്തര നിലവാരത്തിലേക്ക് ഉയര്‍ത്തുന്നതിനായി സതേണ്‍ റീജിയന്‍ പ്രവര്‍ത്തകര്‍ ഒരുമിച്ച് പ്രവര്‍ത്തനം ആരംഭിച്ചു.
കണ്‍വെന്‍ഷനായി ഇതിനോടകം തന്നെ ആയിരത്തിലധികം പേര്‍ രജിസ്റ്റര്‍ ചെയ്തിട്ടുണ്ട്. ജൂണ്‍ 23-ന് അപ്ന ബസാറില്‍ ചേര്‍ന്ന സതേണ്‍ റീജിയന്‍ പ്രവര്‍ത്തകയോഗത്തില്‍ വിവിധ കമ്മിറ്റികളുടെ പ്രവര്‍ത്തനങ്ങള്‍ക്ക് ഔദ്യോഗിക തുടക്കമായി. ഫോമാ പ്രസിഡൻ്റ് ബേബി മണക്കുന്നേല്‍ അധ്യക്ഷത വഹിച്ച യോഗത്തില്‍ റീജിയണല്‍ ചെയര്‍മാന്‍ വര്‍ഗീസ് രാജേഷ് മാത്യു സ്വാഗതം ആശംസിച്ചു. ജൂലൈ 30, 31 ഓഗസ്റ്റ് ഒന്ന്, രണ്ട് (വ്യാഴം, വെള്ളി, ശനി, ഞായര്‍) തീയതികളില്‍ ‘വിന്‍ധം ഹ്യൂസ്റ്റണി’ലാണ് ഫോമാ ഫാമിലി കണ്‍വന്‍ഷൻ അരങ്ങേറുന്നത്.
