പൊള്ളലേൽക്കാനുള്ള സാധ്യതയുള്ളതിനാൽ, ചൈനീസ് നിർമ്മിത സ്മാർട്ട് ഗ്ലാസുകൾ വാങ്ങിയ ഉപയോക്താക്കൾ അവ അപ്ഡേറ്റ് ചെയ്യണമെന്ന് ഹെൽത്ത് കാനഡ നിർദ്ദേശിച്ചു. ‘INMO ഇന്റർനാഷണൽ ടെക്നോളജി ലിമിറ്റഡ്’ വിതരണം ചെയ്ത ‘INMO AIR3’ സ്മാർട്ട് ഗ്ലാസുകളാണ് തിരിച്ചുവിളിച്ച ഉൽപ്പന്നം. കാനഡയിൽ നൂറിലധികവും അമേരിക്കയിൽ ആയിരത്തി അറുനൂറിലധികവും സ്മാർട്ട് ഗ്ലാസുകളെ ഈ പ്രശ്നം ബന്ധിച്ചിട്ടുണ്ട്. ഉപയോക്താക്കൾ ഈ സ്മാർട്ട് ഗ്ലാസ്സുകൾ ഉപയോഗിക്കുന്നത് ഉടൻ നിർത്തിവെക്കണം. വീണ്ടും ഉപയോഗിക്കുന്നതിന് മുൻപ് ‘INMO AIR3’ സ്മാർട്ട് ഗ്ലാസുകളുടെ ഫേംവെയർ (firmware) 3.16 എന്ന പതിപ്പിലേക്ക് അപ്ഡേറ്റ് ചെയ്യണം, ആരോഗ്യ ഏജൻസി നിർദ്ദേശിച്ചു.
തുടർച്ചയായി ഉപയോഗിക്കുമ്പോൾ ഈ സ്മാർട്ട് ഗ്ലാസുകളുടെ ഇടത് വശം അമിതമായി ചൂടാകാൻ സാധ്യതയുണ്ടെന്ന് ഹെൽത്ത് കാനഡ പറയുന്നു. അമേരിക്കയിൽ ഈ ഉൽപ്പന്നം മൂലമുണ്ടായ പരുക്കുകളെക്കുറിച്ച് 10 റിപ്പോർട്ടുകൾ ലഭിച്ചിട്ടുണ്ടെങ്കിലും, കാനഡയിൽ ഇതുവരെ അത്തരം സംഭവങ്ങളൊന്നും റിപ്പോർട്ട് ചെയ്യപ്പെട്ടിട്ടില്ല. ബാധിക്കപ്പെട്ട ഉൽപ്പന്നങ്ങൾ 2025 ഡിസംബർ മുതൽ 2026 ഓഗസ്റ്റ് വരെയുള്ള കാലയളവിലാണ് കാനഡയിൽ വിറ്റഴിച്ചത്.
