മെയ് 13-ന് നടന്ന ഏറ്റവും പുതിയ എക്‌സ്പ്രസ് എന്‍ട്രി നറുക്കെടുപ്പില്‍ 511 അപേക്ഷകരെ സ്ഥിരതാമസത്തിനായി ക്ഷണിച്ച് ഇമിഗ്രേഷന്‍, റെഫ്യൂജീസ് ആന്‍ഡ് സിറ്റിസണ്‍ഷിപ്പ് കാനഡ (IRCC). ഏറ്റവും കുറഞ്ഞ കോംപ്രിഹെന്‍സീവ് റാങ്കിംഗ് സിസ്റ്റം (CRS) സ്‌കോര്‍ 706 ഉള്ള അപേക്ഷകരെയാണ് ഈ പ്രൊവിന്‍ഷ്യല്‍ നോമിനി പ്രോഗ്രാം (PNP) നറുക്കെടുപ്പില്‍ പരിഗണിച്ചത്.
ഈ മാസത്തെ മൂന്നാമത്തെ എക്‌സ്പ്രസ് എന്‍ട്രി നറുക്കെടുപ്പായിരുന്നു ഇത്. മെയ് 1, 2 തീയതികളില്‍ വിദ്യാഭ്യാസ, ആരോഗ്യ സംരക്ഷണ, സാമൂഹിക സേവന വിഭാഗങ്ങളിലെ ഉദ്യോഗാര്‍ത്ഥികള്‍ക്കായി രണ്ട് കാറ്റഗറി അടിസ്ഥാനമാക്കിയുള്ള നറുക്കെടുപ്പുകള്‍ നടന്നിരുന്നു. 2025-ല്‍ ഇതുവരെ നടന്ന എക്‌സ്പ്രസ് എന്‍ട്രി നറുക്കെടുപ്പുകളില്‍ 33,940 ഉദ്യോഗാര്‍ത്ഥികള്‍ക്ക് ഐആര്‍സിസി ഇന്‍വിറ്റേഷന്‍ നല്‍കിയിട്ടുണ്ട്. 2025 ലെ എക്‌സ്പ്രസ് എന്‍ട്രി നറുക്കെടുപ്പുകള്‍ പ്രധാനമായും PNP ഉദ്യോഗാര്‍ത്ഥികളില്‍ ശ്രദ്ധ കേന്ദ്രീകരിച്ചിരിക്കുന്നു, ബാക്കിയുള്ള നറുക്കെടുപ്പുകള്‍ കനേഡിയന്‍ എക്‌സ്പീരിയന്‍സ് ക്ലാസ് (CEC) പ്രോഗ്രാമിലെ അപേക്ഷകര്‍ക്കും മുന്‍ഗണന നല്‍കിയിട്ടുണ്ട്.
