ലിബറൽ സർക്കാരിന്റെ സുപ്രധാന പദ്ധതികളും ആഭ്യന്തര വ്യാപാരവും സംബന്ധിച്ച ബിൽ സി-5 സെനറ്റ് പാസാക്കി. അതേസമയം തങ്ങളുടെ അവകാശങ്ങളെയും പദവികളെയും മാനിക്കുന്നില്ലെങ്കിൽ വ്യാപകമായ പ്രതിഷേധങ്ങൾക്കും നിയമപരമായ വെല്ലുവിളികൾക്കും കാരണമാകുമെന്ന് തദ്ദേശീയ നേതാക്കളുടെ മുന്നറിയിപ്പിനിടെയാണ് വ്യാഴാഴ്ച സെനറ്റ് ബിൽ പാസ്സാക്കിയത്.
വ്യാവസായിക പദ്ധതികളായ ഖനികൾ, തുറമുഖങ്ങൾ, പൈപ്പ് ലൈനുകൾ എന്നിവയ്ക്ക് ഫെഡറൽ അംഗീകാരം വേഗത്തിൽ നേടാൻ മന്ത്രിസഭയെ അനുവദിക്കുന്നതാണ് മാർക്ക് കാർണി സർക്കാരിന്റെ ഈ ബിൽ. അന്തർപ്രവിശ്യ വ്യാപാര തടസ്സങ്ങൾ കുറയ്ക്കുക, പ്രധാന പദ്ധതികൾ നടപ്പിലാക്കുക എന്നിവ ലക്ഷ്യമിട്ടാണ് ലിബറലുകൾ നിയമനിർമാണം അവതരിപ്പിച്ചത്.
