ഒൻ്റാരിയോ സ്കാർബ്റോയിൽ (Scarborough) ബസില് നിന്നിറങ്ങുകയായിരുന്ന മുസ്ലിം യുവതിക്ക് നേരെ അജ്ഞാതന്റെ ക്രൂര ആക്രമണം. മുഖത്തടിയേറ്റ യുവതിയെ തലച്ചോറിന് പരുക്കേറ്റ നിലയില് ആശുപത്രിയില് പ്രവേശിപ്പിച്ചു. ബുധനാഴ്ച രാവിലെ എട്ടരയോടെ ഫിഞ്ച് അവന്യൂവിന് സമീപമാണ് സംഭവം. ഹിജാബ് ധരിച്ചിരുന്ന യുവതിയെ യാതൊരു പ്രകോപനവുമില്ലാതെയാണ് പ്രതി ആക്രമിച്ചത്.
ആക്രമണവുമായി ബന്ധപ്പെട്ട് മൈക്കൽ യേ (37) എന്നയാൾക്കായി തിരച്ചിൽ ആരംഭിച്ചതായി ടൊറൻ്റോ പോലീസ് അറിയിച്ചു. ഇയാൾ മുമ്പും സമാനമായ ആക്രമണങ്ങൾ നടത്തിയിട്ടുണ്ടെന്നും പോലീസ് വെളിപ്പെടുത്തി. ബസ്സിലെ സി.സി.ടി.വി ദൃശ്യങ്ങൾ പരിശോധിക്കുന്നുണ്ടെന്നും പ്രതിയെ ഉടൻ അറസ്റ്റ് ചെയ്യുമെന്നും ടൊറൻ്റോ ട്രാൻസിറ്റ് കമ്മീഷൻ അറിയിച്ചു.
