ബാങ്ക് ഓഫ് കാനഡ ലക്ഷ്യമിട്ട 1% മുതൽ 3% വരെയുള്ള പരിധിയുടെ ഉയർന്ന ഘട്ടമായ 3 ശതമാനത്തിലേക്ക് പണപ്പെരുപ്പം കുറയുമെന്നാണ് സാമ്പത്തിക വിദഗ്ദ്ധർ പ്രതീക്ഷിച്ചിരുന്നത്.
ഇന്ധനവിലയിൽ താൽക്കാലിക ആശ്വാസം ലഭിച്ചതോടെ കാനഡയിൽ പണപ്പെരുപ്പ നിരക്കിൽ കുറവ്. ഗ്യാസൊലിൻ വിലയിലുണ്ടായ വൻ ഇടിവിനെ തുടർന്ന് രാജ്യത്തെ ഉപഭോക്തൃ വില സൂചിക (CPI) ജൂൺ മാസത്തിൽ 0.4 ശതമാനം ഇടിഞ്ഞു. കഴിഞ്ഞ 18 മാസത്തിനിടയിലെ ഏറ്റവും വലിയ പ്രതിമാസ ഇടിവാണിത്. ഇതോടെ രാജ്യത്തെ വാർഷിക പണപ്പെരുപ്പ നിരക്ക് 2.8 ശതമാനമായി താഴ്ന്ന്, ഏപ്രിൽ മാസത്തിലെ അതേ നിലവാരത്തിലേക്ക് തിരിച്ചെത്തിയതായി സ്റ്റാറ്റിസ്റ്റിക്സ് കാനഡ അറിയിച്ചു.
