നഗരത്തിലെ വീടുകളുടെ വിൽപ്പന വീണ്ടും കുത്തനെ ഇടിഞ്ഞതായി പുതിയ റിപ്പോർട്ട്. വീടുകളുടെ വിൽപ്പന മുൻവർഷത്തെ അപേക്ഷിച്ച് ഓഗസ്റ്റിൽ 16% ഇടിഞ്ഞതായി കാൽഗറി റിയൽ എസ്റ്റേറ്റ് ബോർഡ് റിപ്പോർട്ട് ചെയ്തു. ആകെ 1,660 വീടുകളാണ് ഓഗസ്റ്റിൽ വിറ്റത്. വിപണിയിലേക്ക് പുതുതായി എത്തുന്ന വീടുകളുടെ എണ്ണത്തിൽ 10 ശതമാനത്തോളം കുറവും ഉണ്ടായിട്ടുണ്ട്.
കൂടാതെ ഓഗസ്റ്റിൽ വീടുകളുടെ ശരാശരി വില 5,69,000 ഡോളർ ആയി കുറഞ്ഞു. സിറ്റി സെൻ്റർ, വെസ്റ്റ് കാൽഗറി തുടങ്ങിയ മേഖലകളിൽ വീടുകളുടെ വിലയിൽ നേരിയ വർധന ഉണ്ടായിട്ടുണ്ടെങ്കിലും നോർത്ത് ഈസ്റ്റ് മേഖലകളിൽ വില കുത്തനെ ഇടിഞ്ഞു. നോർത്ത് ഈസ്റ്റ് മേഖലയിൽ പ്രൈവറ്റ് വീടുകളുടെ വിലയിൽ 6.4 ശതമാനത്തിൻ്റെ കുറവാണ് രേഖപ്പെടുത്തിയത്. ഉയർന്ന പലിശനിരക്കുകൾ കാരണം വാങ്ങുന്നവർ പുലർത്തുന്ന ജാഗ്രതയാണ് ഈ മാന്ദ്യത്തിന് പ്രധാന കാരണമായി സാമ്പത്തിക വിദഗ്ദ്ധർ ചൂണ്ടിക്കാണിക്കുന്നത്.
