ലേക്ക് ഒൻ്റാരിയോ പേരുമാറ്റം പുതിയ തലത്തിലേക്ക് നീങ്ങുന്നു. ലേക്ക് ഒൻ്റാരിയോയുടെ പേര് ലേക്ക് അമേരിക്ക എന്നാക്കി മാറ്റുന്നതിനായി യുഎസ് പ്രസിഡൻ്റ് ഡൊണാൾഡ് ട്രംപ് ആപ്പിൾ കമ്പനിയെ നേരിട്ട് ബന്ധപ്പെട്ടതായി റിപ്പോർട്ട്. യുഎസ്-കാനഡ വ്യാപാരയുദ്ധം രൂക്ഷമാകുന്നതിനിടെയാണ് ട്രംപിന്റെ ഈ നീക്കം. ലേക്ക് ലേക്ക് ഒൻ്റാരിയോയുടെ പേര് മാറ്റുന്നതിനുള്ള എക്സിക്യൂട്ടീവ് ഉത്തരവിൽ ട്രംപ് കഴിഞ്ഞ വ്യാഴാഴ്ച ഒപ്പുവെച്ചിരുന്നു. ഇതിന് പിന്നാലെയാണ് ആപ്പിൾ മാപ്സിലും പുതിയ പേര് നൽകാൻ ട്രംപ് ശ്രമം ആരംഭിച്ചത്.
മുൻപ് ഗൂഗിൾ മാപ്പിൽ അമേരിക്കൻ ഉപയോക്താക്കൾക്കായി “ലേക്ക് അമേരിക്ക” എന്ന് ലേക്ക് ഒൻ്റാരിയോയുടെ പേര് മാറ്റിയിരുന്നു. ഇതോടെ മെട്രോലിങ്ക്സ്, ഹൈഡ്രോ വൺ, എൽസിബിഒ തുടങ്ങിയ ഒൻ്റാരിയോയിലെ സർക്കാർ ഏജൻസികളുടെ വെബ്സൈറ്റ് മാപ്പുകളിലും പേരുമാറ്റം ഉണ്ടായി. എന്നാൽ, പിന്നീട് കനേഡിയൻ സ്ഥാപനങ്ങളുടെ മാപ്പുകളിൽ ലേക്ക് ഒൻ്റാരിയോ എന്ന പേര് പുനഃസ്ഥാപിച്ചിട്ടുണ്ട്. നിലവിൽ ഓരോ രാജ്യത്തിനും അനുസരിച്ച് വ്യത്യസ്ത പേരുകളാണ് ഗൂഗിൾ മാപ്സ് പ്രദർശിപ്പിക്കുന്നത്. കാനഡയിൽ പഴയ പേരും അമേരിക്കയിൽ പുതിയ പേരുമാണ് കാണിക്കുന്നത്.
