ന്യൂയോർക്ക് സിറ്റി അധ്യാപക യൂണിയനും മേയർ സൊഹ്റാൻ മംദാനിയും നിയമപോരാട്ടത്തിലേക്ക്. അനധ്യാപക ജീവനക്കാർക്ക് 10,000 ഡോളർ വരെ ബോണസ് നൽകുന്ന ‘റെസ്പെക്ട് ചെക്ക് ആക്ട്’ (RESPECT Check Act) തടയാൻ മംദാനി ഭരണകൂടം നൽകിയ കേസിനെതിരെയാണ് യൂണിയൻ കോടതിയെ സമീപിച്ചിരിക്കുന്നത്.
കഴിഞ്ഞ വർഷത്തെ തിരഞ്ഞെടുപ്പിൽ മംദാനിയെ പിന്തുണച്ചിരുന്ന യുണൈറ്റഡ് ഫെഡറേഷൻ ഓഫ് ടീച്ചേഴ്സ് (UFT), ഈ നിയമം നിയമപരമാണെന്നും തൊഴിലാളികളുടെ അവകാശങ്ങളെ ലംഘിക്കുന്നില്ലെന്നും വ്യക്തമാക്കി. എന്നാൽ, ജീവനക്കാരുടെ അവകാശങ്ങളെ നിയമം ബാധിക്കുന്നുവെന്നാണ് മേയറുടെ വാദം. ചർച്ചകൾ പുരോഗമിക്കുന്നുണ്ടെന്നും ജീവനക്കാരുടെ വേതന വർധനവിനെ എതിർക്കുന്നില്ലെന്നും മംദാനി വ്യക്തമാക്കിയിട്ടുണ്ട്.
