പ്രശസ്തമായ ‘ലേക് ഒൻ്റാരിയോ’യുടെ പേര് ഗൂഗിൾ മാപ്പിൽ ‘ലേക് അമേരിക്ക’ എന്നാക്കി യുഎസ് പ്രസിഡൻ്റ് ഡൊണാൾഡ് ട്രംപ്. ഇതോടെ യു എസ് ഉപയോക്താക്കൾക്ക് ഗൂഗിൾ മാപിൽ ഇനി ‘ലേക് അമേരിക്ക’ എന്ന പേരിൽ മാത്രമായിരിക്കും കാണിക്കുകയെന്ന് ഗൂഗിൾ വ്യക്തമാക്കി. എന്നാൽ കാനഡയിലുള്ളവർക്ക് പഴയ പേരായ ‘ലേക് ഒൻ്റാരിയോ’ എന്ന് തന്നെ കാണാം. മറ്റ് രാജ്യങ്ങളിലുള്ളവർക്ക് രണ്ട് പേരുകളും ഗൂഗിൾ മാപ്പിൽ ലഭ്യമാകും.
ട്രംപിന്റെ ഈ നടപടിക്കെതിരെ കാനഡയിലെ ഭരണാധികാരികൾ ശക്തമായി രംഗത്തെത്തി. നൂറുകണക്കിന് വർഷങ്ങളായി അറിയപ്പെടുന്ന ഈ പേര് മാറ്റാൻ കാനഡ സമ്മതിക്കില്ലെന്ന് ഒൻ്റാരിയോ പ്രീമിയർ ഡഗ് ഫോർഡ് തുറന്നടിച്ചു. തടാകത്തിന്റെ പേര് ‘ലേക് ഒൻ്റാരിയോ’ എന്ന് തന്നെയായിരിക്കുമെന്ന് പ്രധാനമന്ത്രി മാർക്ക് കാർണിയും വ്യക്തമാക്കി. തങ്ങളുടെ സംസ്ഥാനത്ത് ഈ പുതിയ പേര് ഉപയോഗിക്കില്ലെന്ന് അമേരിക്കയിലെ ന്യൂയോർക്ക് ഗവർണറും അറിയിച്ചിട്ടുണ്ട്.
