യുഎസ് ഗ്രീൻ കാർഡ് അപേക്ഷകർക്ക് ആശ്വാമേകുന്ന പുതിയ ബിൽ സെനറ്റിൽ ഡെമോക്രാറ്റിക് സെനറ്റർ അലക്സ് പഡില്ല അവതരിപ്പിച്ചു. യുഎസിൽ വർഷങ്ങളായി താമസിക്കുന്ന ആളുകളുടെ ഏറ്റവും വലിയ സ്വപ്നമാണ് ഗ്രീൻ കാർഡ് അല്ലെങ്കിൽ സ്ഥിരതാമസം. റീന്യൂയിങ് ഇമ്മിഗ്രേഷൻ പ്രൊവിഷൻസ് ഓഫ് ദി ഇമ്മിഗ്രേഷൻ ആക്ട് ഓഫ് 1929 എന്ന പേരിലുള്ള ഈ ബിൽ 1929-ൽ യുഎസിൽ ഉണ്ടായിരുന്ന ബിൽ ഭേദഗതി ചെയ്തതാണ്. ഇമിഗ്രേഷൻ ആന്റ് നാഷണാലിറ്റി ആക്ടിലെ സെക്ഷൻ 249 അഥവാ രജിസ്ട്രി പ്രൊവിഷൻ എന്ന ബില്ലിന്റെ പുതിയ ഭേദഗതിയാണ് ഇപ്പോൾ കൊണ്ടുവന്നിരിക്കുന്നത്. ഇതോടെ യുഎസിൽ തുടർച്ചയായി 7 വർഷം നിയമപരമായി താമസിച്ചിട്ടുള്ള ഏത് വ്യക്തിക്കും ഗ്രീൻ കാർഡിന് അപേക്ഷിക്കാം.
അപ്രായോഗികമായ യുഎസ് ഇമിഗ്രേഷൻ നിയമങ്ങളെ കാലോചിതമായി പരിഷ്കരിക്കാനുള്ള നിർണ്ണായക ചുവടുവെപ്പാണിത്. എന്നാൽ ഈ ബിൽ സെനറ്റിലും ഹൗസ് ഓഫ് റെപ്രസന്റേറ്റീവ്സിലും പാസ്സായി പ്രസിഡൻ്റ് ഒപ്പുവെച്ചാൽ മാത്രമേ നിയമമാകൂ.
