യുക്രെയ്ന്‍ പ്രസിഡന്റ് വ്‌ളോഡിമിര്‍ സെലന്‍സ്‌കിയുമായി കൂടിക്കാഴ്ച നടത്തി കനേഡിയന്‍ പ്രധാനമന്ത്രി മാര്‍ക്ക് കാര്‍ണി. ശനിയാഴ്ച്ച റോമില്‍ നടന്ന കൂടിക്കാഴ്ചയില്‍ യുക്രെയ്‌നുള്ള കാനഡയുടെ ശക്തമായ പിന്തുണ വീണ്ടും മാര്‍ക്ക് കാര്‍ണി ആവര്‍ത്തിച്ച് പറഞ്ഞു. ഇറ്റാലിയന്‍ റിപ്പബ്ലിക്കിലെ കാനഡയുടെ ഔദ്യോഗിക വസതിയിലാണ് ഇരുനേതാക്കളും തമ്മിലുള്ള കൂടിക്കാഴ്ച നടന്നത്. ലിയോ പതിനാലാമന്‍ മാര്‍പാപ്പയുടെ ഔദ്യോഗിക സ്ഥാനാരോഹണ ചടങ്ങില്‍ പങ്കെടുക്കാനായാണ് മാര്‍ക്ക് കാര്‍ണി റോമിലെത്തിയത്.
യുക്രെയ്നിന്റെ പൂര്‍ണ്ണ പിന്തുണയും പങ്കാളിത്തവും ഇല്ലാതെ സമാധാനം ഉണ്ടാകില്ല, യുക്രെയ്നിന് കാനഡയുടെ പൂര്‍ണ്ണ പിന്തുണയുണ്ടെന്നും മാര്‍ക്ക് കാര്‍ണി പറഞ്ഞു. പിന്തുണയ്ക്ക് സെലെന്‍സ്‌കി മാര്‍ക്ക് കാര്‍ണിയോട് നന്ദി പറയുകയും അദ്ദേഹത്തെ യുക്രെയ്ന്‍ സന്ദര്‍ശിക്കാന്‍ ക്ഷണിക്കുകയും ചെയ്തു.
അതേസമയം സെലെന്‍സ്‌കിയെ കൂടാതെ മാര്‍ക്ക് കാര്‍ണി ഇറ്റാലിയന്‍ പ്രധാനമന്ത്രി ജോര്‍ജിയ മെലോണിയുമായും യൂറോപ്യന്‍ യൂണിയന്‍ പ്രസിഡന്റ് ഉര്‍സുല വോണ്‍ ഡെര്‍ ലെയ്നുമായി കൂടിക്കാഴ്ച നടത്തി.
