കാൽഗറി-ഷോ (Calgary-Shaw) ഉപതിരഞ്ഞെടുപ്പ് ഇന്ന് നടക്കും. അഞ്ച് സ്ഥാനാർത്ഥികളാണ് മത്സരരംഗത്തുള്ളത്. മൈക്ക് ഡെറി (UCP), കൈൽ ക്യാമ്പ്ബെൽ (NDP), കൈൽ ജോസഫ് (പ്രോഗ്രസ് ടോറി പാർട്ടി), ജോൺ റോഗ്‌വീഡ് (ലിബറൽ പാർട്ടി), റോളി ആഷ്‌ഡൗൺ (സ്വതന്ത്ര) എന്നിവരാണ് സ്ഥാനാർത്ഥികൾ. യുസിപി എംഎൽഎ റെബേക്ക ഷുൾസ് ജനുവരി 2-ന് രാജിവെച്ചതിനെത്തുടർന്നാണ് ഉപതിരഞ്ഞെടുപ്പ് ആവശ്യമായി വന്നത്.

രാവിലെ ഒമ്പതിന് ആരംഭിക്കുന്ന വോട്ടിങ് രാത്രി എട്ടിന് അവസാനിക്കും. വോട്ട് ചെയ്യുന്നതിന്, വോട്ടർമാർ തിരിച്ചറിയൽ രേഖയും നിലവിലെ വിലാസവും തെളിയിക്കുന്ന രേഖകളും ഹാജരാക്കണം.