തൃശൂർ ഗഡീസ് പിക്ക്നിക്ക് 2026: സൗഹൃദവും ആഘോഷവുമായി കാനഡയിലെ തൃശൂർക്കാർ ഒത്തുചേർന്നു

“നമ്മുടെ നാടിന്‍റെ സ്നേഹം, നമ്മുടെ കൂട്ടായ്മ, നമ്മുടെ സൗഹൃദം” എന്ന സന്ദേശം ഉയർത്തിപ്പിടിച്ച് കാനഡയിലെ തൃശൂർ ജില്ലക്കാർ മിൽട്ടൺ സ്പോർട്സ് സെന്‍റർ കമ്മ്യൂണിറ്റി പാർക്കിൽ ഒത്തുചേർന്നു. കാനഡയുടെ വിവിധ ഭാഗങ്ങളിൽ നിന്നെത്തിയ തൃശൂർ സ്വദേശികളും കുടുംബാംഗങ്ങളും സുഹൃത്തുക്കളും പങ്കെടുത്ത തൃശൂർ ഗഡീസ് പിക്ക്നിക്ക് 2026 സൗഹൃദത്തിന്‍റെയും കൂട്ടായ്മയുടെയും ആഘോഷമായി മാറി. കാനഡയിലെ തൃശൂർ ജില്ലക്കാരുടെ കൂട്ടായ്മയായ തൃശൂർ ഗഡീസ് ഇൻ കാനഡയുടെ നേതൃത്വത്തിലാണ് പരിപാടി സംഘടിപ്പിച്ചത്. 2024-ൽ ആരംഭിച്ച തൃശൂർ ഗഡീസിന്‍റെ ആദ്യ പിക്ക്നിക്കിന് ലഭിച്ച മികച്ച […]

യൂറോപ്യൻ യൂണിയനിലേക്കില്ല; നിലപാട് വ്യക്തമാക്കി മാർക്ക് കാർണി

കാനഡ യൂറോപ്യന്‍ യൂണിയനില്‍ (EU) അംഗമാകാൻ ആഗ്രഹിക്കുന്നില്ലെന്ന് പ്രധാനമന്ത്രി മാർക്ക് കാർണി വ്യക്തമാക്കി. ടൊറൻ്റോ ഫിലിം ഫെസ്റ്റിവലില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ‘ഞങ്ങള്‍ യൂറോപ്യന്‍ യൂണിയനില്‍ അംഗമാകാന്‍ ശ്രമിക്കുന്നില്ല. പകരം കാനഡയും യൂറോപ്യന്‍ യൂണിയനും തമ്മില്‍ സവിശേഷമായ ഒരു സഖ്യം രൂപീകരിക്കുന്നതിനായുള്ള ചര്‍ച്ച ആരംഭിക്കാനാണ് താല്പര്യപ്പെടുന്നത്,’ മാര്‍ക്ക് കാര്‍ണി അറിയിച്ചു. യൂറോപ്യന്‍ പാര്‍ലമെൻ്റിനെ അഭിസംബോധന ചെയ്യുന്നതിനായി കാര്‍ണി ഈ ആഴ്ച ഫ്രാന്‍സിലെ സ്ട്രാസ്ബര്‍ഗിലേക്ക് തിരിക്കും. കൂടാതെ സെൻ്റ് പിയറി ആന്‍ഡ് മിക്വെലോണില്‍ ഫ്രഞ്ച് പ്രസിഡൻ്റ് ഇമ്മാനുവല്‍ മക്രോണുമായും […]

ഓഗസ്റ്റിൽ പണപ്പെരുപ്പം മൂന്ന് ശതമാനമായി തുടരുന്നു: സ്റ്റാറ്റിസ്റ്റിക്സ് കാനഡ

ഓഗസ്റ്റിൽ വാർഷിക പണപ്പെരുപ്പ നിരക്ക് 3 ശതമാനത്തിൽ മാറ്റമില്ലാതെ തുടർന്നതായി സ്റ്റാറ്റിസ്റ്റിക്സ് കാനഡ അറിയിച്ചു. ഇന്ധനവില വർധന കുറഞ്ഞെങ്കിലും വാടകയിലും യാത്രാച്ചെലവിലുമുണ്ടായ വർധന ആ കുറവിനെ നികത്തിയതോടെയാണ് പണപ്പെരുപ്പ നിരക്കിനെ പിടിച്ചു നിർത്തിയത്. മധ്യേഷ്യയിലെ സംഘർഷം ഇന്ധനവിലയെ ബാധിക്കുന്നത് തുടരുന്നതിനാൽ ഓഗസ്റ്റിലും പെട്രോൾ വിലയിൽ വർധനയുണ്ടായെങ്കിലും മുൻമാസത്തെ അപേക്ഷിച്ച് കുറവായിരുന്നു. മുൻമാസത്തെ 25.7 ശതമാനവുമായി താരതമ്യം ചെയ്യുമ്പോൾ ഓഗസ്റ്റിൽ വില വർധന 22.8 ശതമാനമായി കുറഞ്ഞതായി ഫെഡറൽ ഏജൻസി റിപ്പോർട്ട് ചെയ്തു. പെട്രോൾ വില ഒഴികെയുള്ള ഉപഭോക്തൃ […]

2026-ലെ അവസാനത്തെ എസ്.ഐ.എൻ.പി ക്യാപ്പ്ഡ് സെക്ടർ ഇൻടേക്ക് സെപ്റ്റംബർ 14, 15 തീയതികളിൽ; പുതിയ പ്രോസസ്സിംഗ് സമയങ്ങളും കണക്കുകളും പുറത്ത്

കാനഡയിലെ സസ്കച്ചവാൻ ഇമ്മിഗ്രന്റ് നോമിനി പ്രോഗ്രാമിന്റെ (SINP) 2026-ലെ അവസാനത്തെ ക്യാപ്പ്ഡ് സെക്ടർ ഇൻടേക്ക് സെപ്റ്റംബർ 14, 15 തീയതികളിൽ നടക്കുമെന്ന് അധികൃതർ അറിയിച്ചു. വിവിധ മേഖലകളിലായി സ്റ്റെപ്പ്-ബൈ-സ്റ്റെപ്പ് സമയക്രമത്തിലാണ് അപേക്ഷകൾ സ്വീകരിക്കുന്നത്. സെപ്റ്റംബർ 14-ന് രാവിലെ 9:30-ന് ട്രക്കിംഗ്, റീട്ടെയിൽ മേഖലകൾക്കും, അതേദിവസം ഉച്ചയ്ക്ക് 1:30-ന് അക്കോമഡേഷൻ വിഭാഗത്തിനും ഇൻടേക്ക് തുറക്കും. തുടർന്ന് സെപ്റ്റംബർ 15-ന് ഉച്ചയ്ക്ക് 1:30-ന് ഫുഡ് സർവീസസ് വിഭാഗത്തിനുമുള്ള അപേക്ഷകൾ സ്വീകരിക്കും. പിന്നീട് നടത്താൻ നിശ്ചയിച്ചിരുന്ന ഇൻടേക്കുകൾക്കായി മുൻപ് മാറ്റിവെച്ചിരുന്ന നോമിനേഷൻ […]

കാൽഗറി-ഷോ ഉപതിരഞ്ഞെടുപ്പ് ഇന്ന്: അഞ്ച് സ്ഥാനാർത്ഥികൾ മത്സരരംഗത്ത്

കാൽഗറി-ഷോ (Calgary-Shaw) ഉപതിരഞ്ഞെടുപ്പ് ഇന്ന് നടക്കും. അഞ്ച് സ്ഥാനാർത്ഥികളാണ് മത്സരരംഗത്തുള്ളത്. മൈക്ക് ഡെറി (UCP), കൈൽ ക്യാമ്പ്ബെൽ (NDP), കൈൽ ജോസഫ് (പ്രോഗ്രസ് ടോറി പാർട്ടി), ജോൺ റോഗ്‌വീഡ് (ലിബറൽ പാർട്ടി), റോളി ആഷ്‌ഡൗൺ (സ്വതന്ത്ര) എന്നിവരാണ് സ്ഥാനാർത്ഥികൾ. യുസിപി എംഎൽഎ റെബേക്ക ഷുൾസ് ജനുവരി 2-ന് രാജിവെച്ചതിനെത്തുടർന്നാണ് ഉപതിരഞ്ഞെടുപ്പ് ആവശ്യമായി വന്നത്. രാവിലെ ഒമ്പതിന് ആരംഭിക്കുന്ന വോട്ടിങ് രാത്രി എട്ടിന് അവസാനിക്കും. വോട്ട് ചെയ്യുന്നതിന്, വോട്ടർമാർ തിരിച്ചറിയൽ രേഖയും നിലവിലെ വിലാസവും തെളിയിക്കുന്ന രേഖകളും ഹാജരാക്കണം.

കാനഡയിലേക്ക് കോടികളുടെ നിക്ഷേപമെത്തിക്കാൻ പ്രധാനമന്ത്രി മാർക്ക് കാർണി; യുഎസ് നീക്കങ്ങളെ പ്രതിരോധിക്കാൻ വൻകിട സിഇഒമാരുടെ ഉച്ചകോടി ടൊറന്റോയിൽ

ടൊറന്റോ ● യുഎസിലേക്ക് ഫാക്ടറികളും നിക്ഷേപങ്ങളും എത്തിക്കാൻ യുഎസ് പ്രസിഡന്റ് ഡൊണാൾഡ് ട്രംപ് ശ്രമിക്കുമ്പോൾ, കോടിക്കണക്കിന് ഡോളർ കാനഡയിലേക്ക് ആകർഷിക്കാനാണ് പ്രധാനമന്ത്രി മാർക്ക് കാർണിയുടെ ശ്രമം. ലോകത്തിലെ ഏറ്റവും വലിയ ചില നിക്ഷേപ സ്ഥാപനങ്ങളിൽ നിന്നുള്ള മുന്നൂറോളം സിഇഒമാരും മുതിർന്ന എക്സിക്യൂട്ടീവുകളും ടൊറന്റോയിലെ യോർക്ക്‌വില്ലെയിലുള്ള ഫോർ സീസൺസിൽ നടക്കുന്ന കാർണിയുടെ കാനഡ ഇൻവെസ്റ്റ്‌മെന്റ് ഉച്ചകോടിക്കായി എത്തുന്നു. ഈ നിക്ഷേപകർ സംയുക്തമായി 120 ട്രില്യൺ ഡോളറിലധികം ആസ്തിയാണ് കൈകാര്യം ചെയ്യുന്നത്. കാനഡയിലേയ്ക്ക് പുതിയ നിക്ഷേപങ്ങൾ ആകർഷിക്കുന്നതിനും യുഎസിനെ മാത്രമുള്ള […]

പണപ്പെരുപ്പ നിരക്ക് മൂന്ന് ശതമാനമായി തുടരും: സാമ്പത്തിക വിദഗ്ധർ

ഓഗസ്റ്റിൽ കാനഡയിലെ പണപ്പെരുപ്പ നിരക്ക് മൂന്ന് ശതമാനമായി മാറ്റമില്ലാതെ തുടരുമെന്ന് സാമ്പത്തിക വിദഗ്ധരുടെ പ്രവചനം. ഇന്ന് രാവിലെ ഓഗസ്റ്റിലെ പണപ്പെരുപ്പ നിരക്ക് സ്റ്റാറ്റിസ്റ്റിക്സ് കാനഡ പുറത്തുവിടും. ജൂലൈയിലെ നിരക്കിൽ മാറ്റമില്ലാതെ തുടരുന്നുവെന്നാണ് ‘എൽഎസ്ഇജി (LSEG) ഡാറ്റ & അനലിറ്റിക്സ്’ സൂചിപ്പിക്കുന്നത്. ബാങ്ക് ഓഫ് കാനഡ തങ്ങളുടെ പലിശനിരക്ക് 2.25 ശതമാനമായി മാറ്റമില്ലാതെ നിലനിർത്തിയതിന് പിന്നാലെയാണ് ഓഗസ്റ്റ് മാസത്തെ പണപ്പെരുപ്പ കണക്കുകൾ പുറത്തുവരുന്നത്. അതേസമയം കഴിഞ്ഞ വർഷത്തെ അപേക്ഷിച്ച് ഊർജ്ജ വിലയിൽ ഏകദേശം 23 ശതമാനത്തോളം വർധനയുണ്ടായതാണ് കാനഡയിലെ […]

അഭിമുഖത്തിന് സിഇഒ വൈകിയെത്തി; ജോലി വേണ്ടെന്നുവെച്ച ഉദ്യോഗാർഥിയുടെ കുറിപ്പ് സമൂഹമാധ്യമങ്ങളിൽ വൈറൽ

അഭിമുഖത്തിന് വൈകിയെത്തുന്ന ഉദ്യോഗാർത്ഥികൾക്ക് ജോലി നഷ്ടപ്പെടുന്ന കഥകൾ പതിവാണ് എന്നാൽ അഭിമുഖം നടത്തേണ്ട സിഇഒ തന്നെ മണിക്കൂറുകളോളം വൈകിയാലോ? അത്തരത്തിൽ ഒരു മണിക്കൂറിലധികം വൈകിയെത്തിയ സിഇഒയുടെ അഭിമുഖം പൂർത്തിയാക്കിയ ശേഷം ആ ജോലി നിരസിച്ച ഒരു ഉദ്യോഗാർഥിയുടെ അനുഭവം ഇപ്പോൾ കോർപറേറ്റ് ലോകത്ത് വലിയ ചർച്ചയായിരിക്കുകയാണ്. മോഹൻ എന്നയാൾ സമൂഹമാധ്യമത്തിൽ പങ്കുവെച്ച ഈ കുറിപ്പ് കോർപറേറ്റ് തൊഴിൽ സംസ്കാരത്തെക്കുറിച്ചുള്ള പുതിയ സംവാദങ്ങൾക്കാണ് തുടക്കമിട്ടിരിക്കുന്നത്. ‘ജോലി നിരസിക്കാനുള്ള കാരണം’ എന്ന തലക്കെട്ടിൽ പ്രചരിക്കുന്ന ഇമെയിൽ സ്ക്രീൻഷോട്ടിലാണ് ഈ സംഭവമുള്ളത്. […]

ഓക്‌ലഹോമയിൽ പതിനഞ്ചുകാരനായ സഹോദരനെ വെടിവച്ചുകൊന്ന കേസിൽ പതിനൊന്നുകാരി അറസ്റ്റിൽ

ഓക്‌ലഹോമയിലെ എഡ്മണ്ടിൽ ബുധനാഴ്ച ഉച്ചയോടെയാണ് ദാരുണമായ സംഭവം നടക്കുന്നത്. പതിനഞ്ചുകാരനായ സഹോദരനെ വെടിവച്ചുകൊന്ന കേസിൽ പതിനൊന്നുകാരിയായ സഹോദരിയെ പൊലീസ് അറസ്റ്റ് ചെയ്തു. സഹോദരന് വെടിയേറ്റുവെന്ന് പെൺകുട്ടി ഫോൺ വിളിച്ച് അമ്മയെ വിവരം അറിയിക്കുകയായിരുന്നു. എന്നാൽ ഈ കൃത്യം ചെയ്തത് പെൺകുട്ടി തന്നെയാണെന്നാണ് പുറത്തുവരുന്ന റിപ്പോർട്ടുകൾ വ്യക്തമാക്കുന്നത്. സംഭവം നടക്കുമ്പോൾ വീട്ടിൽ ഈ കുട്ടികൾ രണ്ടുപേർ മാത്രമാണ് ഉണ്ടായിരുന്നത്. പെൺകുട്ടിക്കെതിരെ കൊലപാതകക്കുറ്റമാണ് ചുമത്തിയിട്ടുള്ളത്. എന്നാൽ പ്രായപൂർത്തിയാകാത്തതിനാൽ കേസ് ജുവനൈൽ കോടതിയിലായിരിക്കും വിചാരണ ചെയ്യുക. കുട്ടികൾക്ക് എങ്ങനെ തോക്ക് ലഭിച്ചു […]

യൂഎസിലേക്ക് കുടിയേറാൻ സഹോദരനെ വിവാഹം ചെയ്തെന്ന ആരോപണം; ഇൽഹാൻ ഒമറിനെതിരെ അന്വേഷണവുമായി ഫെഡറൽ സംഘം

അമേരിക്കയിലേക്ക് കുടിയേറുന്നതിനായി യുഎസ് കോൺഗ്രസ് അംഗമായ ഇൽഹാൻ ഒമർ സ്വന്തം സഹോദരനെ വിവാഹം ചെയ്തെന്ന ആരോപണത്തിൽ ഫെഡറൽ അന്വേഷണം പുരോഗമിക്കുന്നു. ഡാലസിൽ നടന്ന റിപ്പബ്ലിക്കൻ കൺവെൻഷനിൽ ഹോംലാൻഡ് സെക്യൂരിറ്റി സെക്രട്ടറി മാർകൊയ്ൻ മുല്ലിൻ ഈ വിവരം സ്ഥിരീകരിച്ചിട്ടുണ്ട്. യുഎസിലേക്ക് കൊണ്ടുവരാനുള്ള ശ്രമത്തിന്റെ ഭാഗമായാണ് ഈ വിവാഹമെന്നും ഇതിൽ നിയമവിരുദ്ധ പ്രവർത്തനങ്ങൾ നടന്നിട്ടുണ്ടെന്നും അദ്ദേഹം വ്യക്തമാക്കി. ഇൽഹാൻ ഒമറിന്റെ കുടുംബത്തിന്റെ കുടിയേറ്റ ചരിത്രവും വ്യാജരേഖ ചമച്ചെന്ന ആരോപണവുമാണ് അന്വേഷണ സംഘം പ്രധാനമായി പരിശോധിക്കുന്നത്. കുടിയേറ്റ നിയമങ്ങൾ ലംഘിച്ചതിന് കോടതിയിൽ […]