ഒൻ്റാരിയോയിലെ ബെൽവിൽ സൺസ് ഓഫ് ജേക്കബ് സിനഗോഗിന് സമീപം ഞായറാഴ്ച രാത്രിയുണ്ടായ വെടിവെപ്പ് ജൂത സമൂഹത്തെ ലക്ഷ്യമിട്ടുള്ള വിദ്വേഷ ആക്രമണമാണെന്ന് പോലീസ് റിപ്പോർട്ട്. യോം കിപ്പൂർ ആചരണത്തിനിടെയാണ് മുൻ സൈനികനായ സീൻ വാർഡ് വെടിവെപ്പ് നടത്തിയത്. 29 വയസ്സുള്ള ഷോൺ വാർഡ് 2022-ൽ സൈന്യത്തിൽ നിന്നും പുറത്തുപോയിരുന്നു. പോലീസുമായുണ്ടായ വെടിവെപ്പിൽ ഗുരുതരമായി പരുക്കേറ്റ ഷോൺ വാർഡിനെ ആശുപത്രിയിൽ പ്രവേശിപ്പിച്ചെങ്കിലും പിന്നീട് മരിച്ചിരുന്നു. ഇയാളുടെ കൈവശം ഷോട്ട്ഗണ്ണിന് പുറമെ മറ്റ് ആയുധങ്ങളും ഉണ്ടായിരുന്നുവെന്ന് പോലീസ് അറിയിച്ചു. സംഭവത്തിൽ സിനഗോഗിന് സമീപം ഡ്യൂട്ടിയിലുണ്ടായിരുന്ന ബെൽവിൽ പോലീസ് സർവീസ് കോൺസ്റ്റബിൾ ജെഫ് സ്മിത്തിന് വെടിയേറ്റിട്ടുണ്ട്. ഗുരുതരമായി പരുക്കേറ്റ ജെഫ് സ്മിത്തിനെ ആശുപത്രിയിൽ ചികിത്സയിലാണ്.
കാനഡയിൽ സിനഗോഗുകൾക്ക് നേരെയുള്ള ആക്രമണങ്ങൾ വർധിച്ചതായി ജൂത സംഘടനയായ ബ്നായ് ബ്രിത്ത് റിപ്പോർട്ട് ചെയ്തു. ഭാവിയിൽ ഇത്തരം സംഭവങ്ങൾ ഒഴിവാക്കാൻ എല്ലാ ജൂത സ്ഥാപനങ്ങളിലും കൂടുതൽ സുരക്ഷ ഉറപ്പാക്കണമെന്നും സംഘടന ആവശ്യപ്പെട്ടു.
