കാനഡയിലെ മുതിർന്ന പൗരന്മാർക്ക് ആശ്വാസമായി പുതിയ ഓൾഡ് ഏജ് സെക്യൂരിറ്റി (OAS) പേയ്‌മെൻ്റ് ജൂൺ 26 വ്യാഴാഴ്ച വിതരണം ചെയ്യും. കാനഡ പെൻഷൻ പ്ലാൻ (CPP) പേയ്‌മെൻ്റുകൾക്കൊപ്പം തന്നെ ഗ്യാരണ്ടീഡ് ഇൻകം സപ്ലിമെൻ്റ് (GIS) തുകകളും ദശലക്ഷക്കണക്കിന് മുതിർന്ന പൗരന്മാരുടെ അക്കൗണ്ടുകളിൽ ഈ ദിവസം തന്നെ എത്തും. ഏപ്രിൽ മുതൽ ജൂൺ വരെയുള്ള പാദത്തിലെ അവസാന പേയ്‌മെൻ്റാണിത്.
നിലവിൽ 65 മുതൽ 74 വയസ്സുവരെയുള്ളവർക്ക് പ്രതിമാസം പരമാവധി 743.05 ഡോളറും, 75 വയസ്സും അതിൽ കൂടുതലുമുള്ളവർക്ക് 817.36 ഡോളറുമാണ് ഒ.എ.എസ് പെൻഷനായി ലഭിക്കുന്നത്. കുറഞ്ഞ വരുമാനമുള്ള മുതിർന്ന പൗരന്മാർക്ക് പ്രതിമാസം 1,852 ഡോളറിലധികം തുക ലഭിക്കാൻ അർഹതയുണ്ട്.
