കാനഡയിലേക്ക് കുടിയേറാൻ ആഗ്രഹിക്കുന്നവർക്ക് ആശ്വാസമായി തുടർച്ചയായി രണ്ടാം ദിവസവും എക്സ്പ്രസ് എൻട്രി നറുക്കെടുപ്പ് നടത്തി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ജൂൺ 23-ന് നടന്ന പുതിയ കനേഡിയൻ എക്സ്പീരിയൻസ് ക്ലാസ് എക്സ്പ്രസ് എൻട്രി നറുക്കെടുപ്പിൽ സ്ഥിര താമസത്തിന് അപേക്ഷിക്കാൻ 4000 ഉദ്യോഗാര്ഥികൾക്കാണ് ഐആർസിസി ഇൻവിറ്റേഷൻ നൽകിയത്. ഈ നറുക്കെടുപ്പിൽ പരിഗണിക്കുന്നതിന് വേണ്ട കുറഞ്ഞ CRS സ്കോർ 516 ആയിരുന്നു.

മാർച്ചിന് ശേഷമുള്ള ഏറ്റവും വലിയ CEC നറുക്കെടുപ്പാണിത്. കൂടാതെ മെയ് 27 ന് നടന്ന മുൻ CEC നറുക്കെടുപ്പിൽ നിന്ന് CRS കട്ട്ഓഫ് 2 പോയിൻ്റുകൾ കുറഞ്ഞു. ഈ വർഷത്തെ 32-ാമത് എക്‌സ്‌പ്രസ് എൻട്രി നറുക്കെടുപ്പുമായിരുന്നു ജൂൺ 23 നു നടന്നത്. സെലക്ഷൻ റൗണ്ടും ഈ വർഷം മാർച്ച് 17 ന് ശേഷം കണ്ട ഏറ്റവും വലിയ കനേഡിയൻ എക്‌സ്‌പീരിയൻസ് ക്ലാസ് നറുക്കെടുപ്പുമാണ് ഇന്നത്തെ നറുക്കെടുപ്പ്. കനേഡിയൻ പ്രവൃത്തി പരിചയമോ പ്രവിശ്യാ നോമിനേഷനുകളോ ഉള്ള കാനഡയിലുള്ള ഉദ്യോഗാർത്ഥികളിലാണ് ശ്രദ്ധ കേന്ദ്രീകരിച്ചാണ് ഈ വർഷത്തെ ഭൂരിഭാഗം എക്‌സ്‌പ്രസ് എൻട്രി നറുക്കെടുപ്പുകളും നടന്നത്.