ഓഗസ്റ്റിലെ രണ്ടാമത്തെ എക്സ്പ്രസ് എൻട്രി നറുക്കെടുപ്പിൽ സ്ഥിര താമസത്തിനായി അപേക്ഷിക്കുന്നതിനായി 3,000 ഉദ്യോഗാർത്ഥികൾക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) റിപ്പോർട്ട് ചെയ്തു. ഈ കനേഡിയൻ എക്സ്പീരിയൻസ് ക്ലാസ് എക്സ്പ്രസ് എൻട്രി നറുക്കെടുപ്പിൽ 516 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ളവരെയാണ് പരിഗണിച്ചത്.
അതേസമയം ജൂലൈയിലെ അവസാന രണ്ട് സിഇസി നറുക്കെടുപ്പുകളെ അപേക്ഷിച്ച് ഇൻവിറ്റേഷൻ ലഭിച്ച അപേക്ഷകരുടെ എണ്ണം വർധിച്ചിട്ടുണ്ട്. 2026 ലെ 44-ാമത്തെ നറുക്കെടുപ്പായിരുന്നു ഇന്ന് നടന്നത്. ഈ വർഷം ഇതുവരെ എക്സ്പ്രസ് എൻട്രി നറുക്കെടുപ്പുകളിലൂടെ 108,123 ITA-കൾ ഐആർസിസി ഇഷ്യൂ ചെയ്തിട്ടുണ്ട്.
