ലോങ്ങ് വീക്ക് എൻഡിലെ തെളിഞ്ഞ കാലാവസ്ഥയ്ക്ക് ശേഷം, ഈ ആഴ്ചയുടെ തുടക്കത്തിൽ മോൺട്രിയലിൽ കനത്ത മഴ പെയ്യുമെന്ന് എൻവയൺമെൻ്റ് ആൻഡ് ക്ലൈമറ്റ് ചേഞ്ച് കാനഡ മുന്നറിയിപ്പ് നൽകി. 40 മുതൽ 60 മില്ലിമീറ്റർ വരെ മഴ ലഭിക്കുമെന്നാണ് കാലാവസ്ഥാ പ്രവചനം. കനത്ത മഴ റോഡുകളിലും താഴ്ന്ന പ്രദേശങ്ങളിലും വെള്ളക്കെട്ട് സൃഷ്ടിക്കുമെന്നും മുന്നറിയിപ്പിൽ പറയുന്നു.
മോൺട്രിയലിന് പുറമെ മോണ്ടെറെജി, ബോയിസ്-ഫ്രാങ്ക്സ്, ഈസ്റ്റേൺ ടൗൺഷിപ്പുകൾ എന്നിവിടങ്ങളിലും മുന്നറിയിപ്പ് ബാധകമായിരിക്കും. ബുധനാഴ്ചയും മഴ തുടരുമെന്നും, എന്നാൽ വ്യാഴാഴ്ച തെളിഞ്ഞ കാലാവസ്ഥയായിരിക്കുമെന്നുമാണ് കാലാവസ്ഥാ പ്രവചനം.
