ഇന്ത്യയുമായി വ്യാപാര സഹകരണം ശക്തമാക്കാൻ ഒരുങ്ങി കാനഡ. വ്യാപാര, ഊർജ്ജ, പ്രതിരോധ മേഖലകളിൽ ഇരുരാജ്യങ്ങളുടെയും സഹകരണം ശക്തമാക്കുക എന്ന ലക്ഷ്യത്തോടെ കാനഡ വിദേശകാര്യ മന്ത്രി അനിത ആനന്ദ് ഇന്ത്യ സന്ദർശിക്കുന്നു. ഒക്ടോബർ 13 മുതൽ 16 വരെ നീളുന്ന സന്ദർശനത്തിൽ ഇന്ത്യക്ക് ഒപ്പം യു.എ.ഇ-യിലും മന്ത്രി എത്തും.
ഇന്ത്യൻ വിദേശകാര്യ മന്ത്രി സുബ്രഹ്മണ്യം ജയശങ്കറുമായി അനിത ആനന്ദ് കൂടിക്കാഴ്ച നടത്തും. വ്യാപാരം, ഊർജ്ജം, സുരക്ഷ, പ്രതിരോധ സഹകരണം തുടങ്ങിയ വിഷയങ്ങളിലായിരിക്കും ഇരുവരും ചർച്ച നടത്തുക. കൂടാതെ, ന്യൂഡൽഹിയിൽ നടക്കുന്ന ബ്ലൂംബെർഗ് ന്യൂ ഇക്കോണമി ഫോറത്തിലും അനിത ആനന്ദ് പങ്കെടുക്കും.
ഇന്ത്യൻ സന്ദർശനത്തിന് ശേഷം യു.എ.ഇയിലെത്തുന്ന അനിത ആനന്ദ്, ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് അബ്ദുള്ള ബിൻ സായിദ് അൽ നഹ്യാനുമായി കൂടിക്കാഴ്ച നടത്തും. വ്യാപാരം, പ്രതിരോധം, സുരക്ഷ, കൃത്രിമബുദ്ധി (Artificial Intelligence), ഇന്നൊവേഷൻ തുടങ്ങിയ മേഖലകളിൽ പുതിയ പങ്കാളിത്തം കെട്ടിപ്പടുക്കുകയാണ് സന്ദർശന ലക്ഷ്യം.
