ഫെബ്രുവരിയിലെ ആദ്യ എക്സ്പ്രസ് എൻട്രി നറുക്കെടുപ്പിൽ 423 അപേക്ഷകർക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. 749 എന്ന ഏറ്റവും കുറഞ്ഞ കോംപ്രിഹെൻസീവ് റാങ്കിങ് സ്കോർ ഉള്ള അപേക്ഷകരെയാണ് ഈ പ്രൊവിൻഷ്യൽ നോമിനി പ്രോഗ്രാം നറുക്കെടുപ്പിൽ പരിഗണിച്ചത്.
ഈ വർഷം ഇതുവരെ നടന്ന അഞ്ച് നറുക്കെടുപ്പുകളിലും കാനഡയ്ക്കകത്ത് നിലവിൽ ജോലി ചെയ്യുന്നവർക്കും പ്രവിശ്യകളുടെ നാമനിർദ്ദേശം ലഭിച്ചവർക്കുമാണ് പ്രാധാന്യം ലഭിച്ചത്. 2026-ന്റെ തുടക്കം മുതൽ ഇതുവരെ ആകെ 19,478 പേർക്ക് വിവിധ നറുക്കെടുപ്പുകളിലൂടെ ഇമിഗ്രേഷൻ വകുപ്പ് ഇൻവിറ്റേഷൻ നൽകിയിട്ടുണ്ട്. ഇതിൽ 14,000 പേർ കനേഡിയൻ എക്സ്പീരിയൻസ് ക്ലാസിൽ നിന്നുള്ളവരും ബാക്കിയുള്ളവർ പിഎൻപി വിഭാഗത്തിൽ നിന്നുള്ളവരുമാണ്.
