ഓട്ടവ: കാനഡയിൽ ആപ്പിൾ തങ്ങളുടെ ഉപഭോക്താക്കൾക്കായി അവരുടെ ഡിവൈസുകൾ സ്വയം നന്നാക്കാനുള്ള പദ്ധതി അവതരിപ്പിച്ചു. സെൽഫ് സർവീസ് റിപ്പയർ പ്രോഗ്രാം എന്ന് വിശേഷിപ്പിക്കുന്ന ഈ പദ്ധതിയിൽ ഉപകരണങ്ങൾ നന്നാക്കാൻ ആവശ്യമായ സ്‌പെയർ പാർട്‌സ്, ടൂൾസ്, മാനുവൽ എന്നിവ ലഭ്യമാക്കും.
ഐഫോൺ നന്നാക്കാനുള്ള ചെലവ് ഗണ്യമായി കുറയ്ക്കാൻ പ്രോഗ്രാം സഹായിക്കും. വർഷങ്ങളായി ആപ്പിൾ ഡിവൈസുകൾ ഉപയോഗിക്കുന്നവർ(പ്രത്യേകിച്ച് ഐഫോൺ ഉപയോക്താക്കൾ) അവരുടെ ഡിവൈസുകൾ നന്നാക്കാനുള്ള അവകാശം ആവശ്‌പ്പെടുന്നുണ്ട്.
ഐപാഡുകൾ, ഐഫോണുകൾ, മാക്കുകൾ എന്നിവ നന്നാക്കാൻ പ്രോഗ്രാമിലൂടെ ഉപഭോക്താക്കൾക്ക് സാധിക്കുമെന്ന് ആപ്പിൾ വ്യക്തമാക്കി.
