ഓട്ടവ : കാനഡയിലേക്ക് കുടിയേറാൻ ഒരുങ്ങുന്ന വിദേശ പൗരന്മാർക്ക് അവസരമൊരുക്കി പുതിയ എക്സ്പ്രസ് എൻട്രി നറുക്കെടുപ്പ് നടത്തി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). സെപ്റ്റംബർ 16-ന് നടന്ന എക്സ്പ്രസ് എൻട്രി നറുക്കെടുപ്പിൽ കാനഡയിൽ തൊഴിൽ പരിചയമുള്ള 250 സീനിയർ മാനേജർമാർക്ക് ഐആർസിസി ഇൻവിറ്റേഷൻ നൽകി. കുറഞ്ഞത് 389 ‘കോംപ്രിഹെൻസീവ് റാങ്കിങ് സിസ്റ്റം’ (CRS) സ്കോർ ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്. സീനിയർ മാനേജർമാർക്കായി 2026-ൽ നടന്ന നറുക്കെടുപ്പുകളിലെ ഏറ്റവും കുറഞ്ഞ കട്ട്-ഓഫ് സ്കോറാണിത്. 2026-ൽ കാനഡ ഇതുവരെ 56 എക്സ്പ്രസ് എൻട്രി ഡ്രോകൾ നടത്തിക്കഴിഞ്ഞു. ഈ നറുക്കെടുപ്പുകളിലൂടെ ആകെ 128,982 ITA-കൾ ഐആർസിസി നൽകിയിട്ടുണ്ട്.
എക്സ്പ്രസ് എൻട്രി വഴി സ്ഥിരതാമസത്തിന് അപേക്ഷിച്ചിട്ടുള്ള, കാനഡയിലുള്ള വിദേശ പൗരന്മാർക്ക് ‘ബ്രിഡ്ജിങ് ഓപ്പൺ വർക്ക് പെർമിറ്റ്’ (BOWP) ലഭിക്കാൻ സാധ്യതയുണ്ട്. BOWP അപേക്ഷയിൽ തീരുമാനമാകുന്നതിന് മുമ്പ് നിലവിലുള്ള വർക്ക് പെർമിറ്റിന്റെ കാലാവധി അവസാനിക്കുകയാണെങ്കിൽ, അവർക്ക് ‘മെയിന്റെയ്ൻഡ് സ്റ്റാറ്റസ്’ (maintained status) ആനുകൂല്യം ലഭിക്കും. ഇതുവഴി, കാനഡയിൽ തുടരുന്നിടത്തോളം കാലം കാലാവധി കഴിഞ്ഞ പെർമിറ്റിലെ വ്യവസ്ഥകൾക്ക് വിധേയമായി അവർക്ക് ജോലി തുടരാനാകും. ഒപ്പം യോഗ്യതയുള്ള കുടുംബാംഗങ്ങൾക്കും BOWP-ന് അപേക്ഷിക്കാം.
