ടൊറൻ്റോ : യോർക്ക് യൂണിവേഴ്സിറ്റിയിൽ സൈബർ ആക്രമണം ഉണ്ടായതായി റിപ്പോർട്ട്. സംഭവത്തിൽ യൂണിവേഴ്സിറ്റി അന്വേഷണം ആരംഭിച്ചു. സൈബർ ആക്രമണത്തിൽ വ്യക്തിഗത വിവരങ്ങൾ മോഷ്ടിക്കപ്പെട്ടതായി സർവകലാശാല അറിയിച്ചു. 2007 മുതൽ 2026 ഒക്ടോബർ വരെയുള്ള കാലയളവിൽ, സർവകലാശാലയുടെ ചില വെബ്‌സൈറ്റുകളിൽ ഓൺലൈൻ ഫോമുകൾ പൂരിപ്പിച്ച വ്യക്തികളുടെ വിവരങ്ങളാണ് മോഷ്ടിക്കപ്പെട്ടത്. ഒക്ടോബർ 25-നാണ് ഈ സുരക്ഷാ വീഴ്ച കണ്ടെത്തിയത്.
സർക്കാർ തിരിച്ചറിയൽ രേഖകളും ഫിനാൻഷ്യൽ അക്കൗണ്ട് വിവരങ്ങളുമാണ് ചോർന്നത്. എന്നാൽ, ഈ സംഭവം എപ്പോഴാണ് നടന്നതെന്നോ, എപ്പോഴാണ് സുരക്ഷാ വീഴ്ച കണ്ടെത്തിയതെന്നോ സർവകലാശാല വെളിപ്പെടുത്തിയിട്ടില്ല. സംഭവം അറിഞ്ഞ ഉടൻ തന്നെ, പുറത്തുനിന്നുള്ള വിദഗ്ധരുടെ സഹായത്തോടെ സർവകലാശാല അന്വേഷണം ആരംഭിച്ചിട്ടുണ്ട്.
