നവംബർ മൂന്നിന് നടക്കുന്ന ടെക്സസ് ഗവർണർ തിരഞ്ഞെടുപ്പ് നിർണ്ണായകമായ ഘട്ടത്തിലേക്ക് നീങ്ങുന്നു. നിലവിലെ ഗവർണർ ഗ്രെഗ് ആബട്ടും ഡെമോക്രാറ്റിക് സ്ഥാനാർത്ഥി ജീന ഹിനോജോസയും തമ്മിലുള്ള രാഷ്ട്രീയ പോര് കൂടുതൽ ശക്തമാകുന്നതായി റിപ്പോർട്ട്. സംസ്ഥാനത്തെ വസ്തു നികുതിയുമായി ബന്ധപ്പെട്ട തർക്കങ്ങളാണ് പ്രചാരണ രംഗത്ത് ഇരു സ്ഥാനാർത്ഥികളും പ്രധാന ആയുധമാക്കുന്നത്.

തിരഞ്ഞെടുപ്പ് പ്രചാരണത്തിന്‍റെ ഭാഗമായി നടക്കുന്ന സംവാദ വെല്ലുവിളികളും ആരോപണ പ്രത്യാരോപണങ്ങളും ടെക്സസിലെ രാഷ്ട്രീയ അന്തരീക്ഷത്തെ കൂടുതൽ ചൂടുപിടിപ്പിക്കുകയാണ്. ജീന ഹിനോജോസ വസ്തു നികുതി വർധിപ്പിക്കുന്നതിനായി സഭയിൽ 40 തവണ വോട്ട് ചെയ്തതായി ഗവർണർ ഗ്രെഗ് ആബട്ട് ആരോപിക്കുന്നു. അതേസമയം ആബട്ടിന്‍റെ ഭരണത്തിന് കീഴിൽ ടെക്സസിലെ വസ്തു നികുതി 85% വർധിച്ചതായി ജീന ഹിനോജോസ പ്രചാരണ പരസ്യങ്ങളിലൂടെ ആരോപിക്കുന്നു.