ടെക്സസിലെ പാർക്കർ കൗണ്ടിയിലുണ്ടായ തീപിടിത്തത്തിൽ മൂന്ന് പേർ കൊല്ലപ്പെട്ടു. ലേക്ക് കൺട്രി ഡ്രൈവിലുള്ള ഇരുനില വീട്ടിലാണ് രാത്രി തീപിടിത്തമുണ്ടായത്. തിങ്കളാഴ്ച രാത്രി 10 മണിയോടെയുണ്ടായ തീപിടിത്തം നിയന്ത്രണവിധേയമാക്കിയ ശേഷം നടത്തിയ തിരച്ചിലിൽ മൂന്ന് പേരുടെ മൃതദേഹങ്ങൾ കണ്ടെത്തുകയായിരുന്നു. മൂവരും സംഭവസ്ഥലത്ത് വെച്ച് തന്നെ മരണപ്പെട്ടതായി സ്ഥിരീകരിച്ചു.
തീപിടിത്തത്തിന്റെ കാരണം വ്യക്തമല്ല. പാർക്കർ കൗണ്ടി ഫയർ മാർഷലിന്റെ നേതൃത്വത്തിൽ അന്വേഷണം പുരോഗമിക്കുന്നു. മരിച്ചവരെക്കുറിച്ചുള്ള കൂടുതൽ വിവരങ്ങൾ അധികൃതർ ഇതുവരെ പുറത്തുവിട്ടിട്ടില്ല.
