രാഷ്ട്രീയ സംഘർഷങ്ങൾക്കിടയിൽ മദ്യവില വർധന പിൻവലിക്കാൻ ആൽബർട്ട സർക്കാർ ഉത്തരവിട്ടു. പ്രവിശ്യയുടെ ഹോസ്പിറ്റാലിറ്റി മേഖലയെ ബാധിക്കുന്ന വിശാലമായ നിയമങ്ങളെക്കുറിച്ചുള്ള ചർച്ച തുടരുന്നതിനിടെയാണ് ഈ നീക്കം. 2008 ന് ശേഷം ആദ്യമായാണ് പ്രവിശ്യയിൽ മദ്യ വില വർധന നടപ്പിലാക്കിയത്. ഇതോടെ ബിയർ, വൈൻ, സ്പിരിറ്റ്, ഡ്രാഫ്റ്റ് എന്നിവയുടെ വില ഉയർന്നിരുന്നു.

ബാറുകളിലും റെസ്റ്റോറൻ്റുകളിലും വിളമ്പുന്ന മദ്യത്തിന്‍റെ വില വർധന ഉടൻ പിൻവലിക്കാൻ ആൽബർട്ട ഗെയിമിംഗ്, ലിക്വാർ, കഞ്ചാവ് (എജിഎൽസി)-യോട് നിർദേശിച്ചതായി മന്ത്രി ഡെയ്ൽ നാലി അറിയിച്ചു. തൊഴിലവസരങ്ങൾ സൃഷ്ടിക്കുന്നതിലും ടൂറിസം മേഖലയിലും ഹോസ്പിറ്റാലിറ്റി വ്യവസായം സുപ്രധാന പങ്ക് വഹിക്കുന്നുണ്ടെന്ന് മന്ത്രി കൂട്ടിച്ചേർത്തു.