ആതിഥേയരായ കാനഡ സ്വന്തം നാട്ടുകാരുടെ മുന്നിൽ തോൽവിയുടെ വക്കിൽ നിന്നും കഷ്ടിച്ച് രക്ഷപെട്ടു. ഗ്രൂപ്പ് ബിയിലെ മത്സരത്തിൽ കാനഡയെ ബോസ്നിയ സമനിലയിൽ (1-1) കുരുക്കി. 21-ാം മിനിറ്റിൽ ജോവോ ലുക്കിച്ചിലൂടെ മുന്നിലെത്തിയ ബോസ്നിയക്കെതിരേ 79-ാം മിനിറ്റിൽ കൈൽ ലാറിൻ നേടിയ ഗോളിൽ കാനഡ സമനിലയുമായി രക്ഷപ്പെട്ടു. ലോകകപ്പ് യോഗ്യതാ റൗണ്ടിൽ ഇറ്റലിയെ അട്ടിമറിച്ച് ലോകകപ്പിനെത്തിയ ബോസ്നിയയെ നേരിട്ട കാനഡയുടെ കളിയിൽ പരുക്കേറ്റ് പുറത്തിരുന്ന ഫുൾബാക്ക് അൽഫോൺസോ ഡേവിസിന്റെ അഭാവം പ്രകടമായിരുന്നു.
സമനിലയോടെ ഗ്രൂപ്പ് ബിയിൽ കാനഡയും ബോസ്നിയയും ഓരോ പോയിൻ്റ് പങ്കിട്ടു. മെക്സിക്കോ (1986), ഖത്തർ (2022) ലോകകപ്പുകളിൽ കളിച്ച കാനഡയുടെ ആദ്യ ലോകകപ്പ് പോയിൻ്റ് കൂടിയാണിത്. 2010-ൽ ദക്ഷിണാഫ്രിക്കയ്ക്ക് ശേഷം ലോകകപ്പ് ഉദ്ഘാടന മത്സരത്തിൽ സമനില നേടുന്ന ആദ്യത്തെ ആതിഥേയ രാജ്യവുമാണ് കാനഡ.
