ഒൻ്റാരിയോയിൽ തടാകത്തില് കുളിക്കുന്നതിനിടെ മലയാളി യുവാവ് മുങ്ങിമരിച്ചു. അങ്കമാലി തുറവൂര് വാതക്കാട് കൈതാരത്ത് ജോര്ജിന്റെ മകൻ ഫ്രെഡി ജോര്ജ് (29) ആണ് മരിച്ചത്. പീറ്റര്ബ്റോയ്ക്ക് സമീപമുള്ള തടാകത്തില് കുളിക്കുന്നതിനിടെയാണ് അപകടം. ബിരുദാനന്തര ബിരുദ വിദ്യാര്ത്ഥിയായിരുന്നു ഫ്രെഡി.
തടാകത്തിലെ തണുത്തുറഞ്ഞ വെള്ളത്തില് കുളിക്കുന്നതിനിടെ ഉണ്ടായ ‘ഹൈപോതെര്മിയ’ (ശരീര താപനില അസാധാരണമായി താഴുന്ന അവസ്ഥ) ആണ് മരണത്തിന് കാരണമായതെന്നാണ് പ്രാഥമിക നിഗമനം. കടുത്ത തണുപ്പിലേക്ക് ശരീരം പെട്ടെന്ന് എത്തുമ്പോള് ഉണ്ടാകുന്ന ശാരീരിക അസ്വസ്ഥതകളാണ് ദുരന്തത്തിലേക്ക് നയിച്ചതെന്ന് കരുതപ്പെടുന്നു.
