കാനഡയിൽ വൻ തോതിൽ നിക്ഷേപം കൊണ്ടുവരിക എന്നതായിരിക്കും നവംബർ ബജറ്റ് ലക്ഷ്യമിടുന്നതെന്ന് പ്രധാനമന്ത്രി മാർക്ക് കാർണി. യുഎസ് താരിഫുകൾ സൃഷ്ടിച്ച സാമ്പത്തിക അനിശ്ചിതത്വത്തിനിടയിലാണ്, കാർണിയുടെ പ്രഖ്യാപനം. അടുത്ത ദശാബ്ദത്തിനുള്ളിൽ യുഎസ് ഇതര കയറ്റുമതി ഗണ്യമായി വർധിപ്പിച്ച് രാജ്യത്തിന്റെ സമ്പദ്വ്യവസ്ഥയെ ഒറ്റ വ്യാപാര പങ്കാളിയെ മാത്രം ആശ്രയിക്കുന്നത് കുറയ്ക്കാൻ കാനഡ പദ്ധതിയിടുന്നതായി അദ്ദേഹം സൂചന നൽകി. പുതിയ കുടിയേറ്റ നയം, രാജ്യാന്തര പ്രതിഭകളെ ആകർഷിക്കാനുള്ള തന്ത്രം എന്നിവ ബജറ്റിന്റെ ഭാഗമാകും.
അതേസമയം, ബജറ്റ് താങ്ങാനാവുന്നതായിരിക്കണമെന്നും നിക്ഷേപം, വീടുനിർമ്മാണം എന്നിവയ്ക്കുള്ള നികുതികൾ കുറയ്ക്കണം എന്നും കാർണിയുമായി കൂടിക്കാഴ്ച നടത്തിയ കൺസർവേറ്റീവ് നേതാവ് പിയേർ പൊളിയേവ് ആവശ്യപ്പെട്ടു. തന്റെ വ്യവസ്ഥകൾ ലിബറൽ സർക്കാരിന് അറിയാമെന്നും, പിന്തുണ നൽകേണ്ടത് സർക്കാരിന്റെ ഉത്തരവാദിത്തമാണെന്നും ബ്ലോക്ക് കെബെക്കോയിസ് നേതാവ് യീവ്സ്-ഫ്രാൻസ്വാ ബ്ലോഷേ വ്യക്തമാക്കി.
