വ്യാപാര യുദ്ധം കാനഡയ്ക്ക് ആനുകൂലമാക്കുന്നതിന് യുഎസ് ഉൽപ്പന്നങ്ങളുടെ ബഹിഷ്കരണം ശക്തമാക്കണമെന്ന് ഭൂരിഭാ​ഗം കാനഡക്കാരും വിശ്വസിക്കുന്നതായി സർവേ റിപ്പോർട്ട്. അമേരിക്കൻ ഉൽപ്പന്നങ്ങൾ ബഹിഷ്കരിക്കുന്നതും യാത്ര ഒഴിവാക്കുന്നതും യുഎസ് തീരുവകൾക്ക് മറുപടി നൽകാൻ ഉതകുന്നതാണെന്ന് 80% കാനഡക്കാരും കരുതുന്നുവെന്ന് നാനോസ് റിസർച്ച് നടത്തിയ സർവേ വ്യക്തമാക്കുന്നു. 55 വയസ്സിന് മുകളിലുള്ള കാനഡക്കാരാണ് ഈ ആശയത്തെ കൂടുതൽ പിന്തുണയ്ക്കുന്നത്. 35-നും 54-നും ഇടയിൽ പ്രായമുള്ളവരിൽ 74% പേരാണ് പിന്തുണച്ച് വോട്ട് രേഖപ്പെടുത്തിയത്.

പ്രാദേശികമായി അറ്റ്ലാന്റിക് കാനഡയിലാണ് യുഎസ് ഉൽപ്പന്ന ബഹിഷ്കരണത്തിന് ഏറ്റവും കൂടുതൽ പിന്തുണ ലഭിച്ചത് (87%). ക്യൂബെക്ക് (83%), ബ്രിട്ടിഷ് കൊളംബിയ (80%), ഒന്റാരിയോ (77%), പ്രയറീസ് (75%) എന്നിവിടങ്ങളിലും ഭൂരിഭാഗം പേർ ഈ നിലപാടിനെ അനുകൂലിക്കുന്നു.