മൂന്ന് റെഡ് കാർഡുകളും രണ്ടു ഗോളുകളും നിറഞ്ഞ, 2026 ലോകകപ്പിന്‍റെ ഉദ്ഘാടനമത്സരത്തിൽ ആഫ്രിക്കൻ വമ്പന്മാരായ സൗത്ത് ആഫ്രിക്കയെ വീഴ്ത്തി ആതിഥേയരായ മെക്സിക്കോ. ഇതോടെ ആസ്റ്റക്ക സ്റ്റേഡിയത്തിൽ സ്വന്തം കാണികൾക്കു മുന്നിൽ 2026 ലോകകപ്പിലെ ആദ്യ ജയം കുറിക്കാനും മെക്സിക്കോയ്ക്കായി. ദക്ഷിണാഫ്രിക്കയെ എതിരില്ലാത്ത രണ്ട് ഗോളുകൾക്കാണ് മെക്‌സിക്കോ പരാജയപ്പെടുത്തിയത്.

ഒമ്പതാം മിനിറ്റിൽ ജൂലിയൻ ക്വിനോനെസും 67-ാം മിനിറ്റിൽ റൗൾ ഹിമെനെസുമാണ് മെക്സിക്കോയ്ക്കായി സ്‌കോർ ചെയ്തത്. ദക്ഷിണാഫ്രിക്കൻ താരങ്ങളായ യായ സിത്തോളെയും തെംബ സാനെയും മെക്സിക്കോ താരം സെസാർ മൊണ്ടെസും റെഡ് കാർഡ് കണ്ടു.