നോർത്ത് വെസ്റ്റ് ടെറിറ്ററീസിൽ കത്തിപ്പടരുന്ന കാട്ടുതീയെ തുടർന്ന് ജനങ്ങൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി. നിയന്ത്രണാതീതമായ കാട്ടുതീ ഫോർട്ട് സിംപ്‌സൺ ഗ്രാമത്തിന് സമീപം എത്തിയതായി വൈൽഡ് ഫയർ റെസ്പോൺസ് ഏജൻസി അറിയിച്ചു. നിലവിൽ 100 ചതുരശ്ര കിലോമീറ്ററിലധികം വിസ്തൃതിലേക്ക് തീ പടർന്നു പിടിച്ചതായി ഏജൻസി റിപ്പോർട്ട് ചെയ്തു.
ഫോർട്ട് സിംപ്‌സൺ നഗരത്തിന് സമീപമുള്ള ഹൈവേയിലേക്ക് കാട്ടുതീ എത്തിയിട്ടുണ്ട്. ഇതോടെ നഗരവാസികളെ ഒഴിപ്പിച്ചു. ഇവരെ ഫോർട്ട് സിംപ്‌സണിൽ നിന്ന് ഏകദേശം 700 കിലോമീറ്റർ അകലെയുള്ള യെല്ലോനൈഫിലെ കുടിയൊഴിപ്പിക്കൽ കേന്ദ്രത്തിലേക്ക് മാറ്റിയിട്ടുണ്ട്.
