യു എസ് കോൺഗ്രസിലെ ഇരു സഭകളിലേക്കുമുള്ള തിരഞ്ഞെടുപ്പ് ഇന്ന് നടക്കും. 21 കോടി വോട്ടർമാർ സമ്മതിദാനാവകാശം വിനിയോഗിക്കും. അമേരിക്കന്‍ ജനപ്രതിനിധിസഭയിലെ 435 സീറ്റുകളിലേക്കും സെനറ്റിലെ 35 സീറ്റുകളിലേക്കുമാണ് നവംബര്‍ മൂന്നിന് തിരഞ്ഞെടുപ്പ് നടക്കുന്നത്. ഒഹായോയിലും ഫ്ലോറിഡയിലും നടക്കുന്ന പ്രത്യേക സെനറ്റ് തിരഞ്ഞെടുപ്പുകളും ഇതില്‍ ഉള്‍പ്പെടുന്നു. കൂടാതെ 36 സംസ്ഥാനങ്ങളില്‍ ഗവര്‍ണര്‍ തിരഞ്ഞെടുപ്പുകളും നടക്കും. സാമ്പത്തിക സ്ഥിതി, കുടിയേറ്റനയം, ആരോഗ്യപരിരക്ഷ, ജീവിതച്ചെലവ് തുടങ്ങിയ വിഷയങ്ങളും തിരഞ്ഞെടുപ്പില്‍ പ്രധാന ചര്‍ച്ചാവിഷയങ്ങളാണ്.

പ്രസിഡൻ്റ് ഡോണൾഡ് ട്രംപിന്‍റെ രണ്ടാം ഭരണകാലത്തിന്‍റെ പകുതിയില്‍ നടക്കുന്ന ഈ തിരഞ്ഞെടുപ്പ് യുഎസ് കോണ്‍ഗ്രസിലെ അധികാരസന്തുലിതാവസ്ഥ നിര്‍ണയിക്കുന്നതില്‍ നിര്‍ണായകമാണ്. പുതിയ സർവേ പ്രകാരം 2 വർഷം മുൻപ് ട്രംപ് അധികാരമേൽക്കുമ്പോൾ ഉണ്ടായിരുന്ന ജനപ്രീതി 50 ശതമാനമായിരുന്നെങ്കിൽ കഴിഞ്ഞമാസം നടത്തിയ സർവേകളിൽ 37% ആയി ഇടിഞ്ഞു. യുഎസ് കോൺഗ്രസിൽ ഡെമോക്രാറ്റുകൾക്കു മേൽക്കൈ ലഭിച്ചാൽ വരുന്ന 2 വർഷം ട്രംപിന് നയപരമായ തീരുമാനങ്ങൾ പാസാക്കാതെ വരും.