കാനഡ–അമേരിക്ക–മെക്സിക്കോ സ്വതന്ത്ര വ്യാപാര കരാർ (CUSMA/USMCA) നിലവിലെ രൂപത്തിൽ പുതുക്കാൻ താത്പര്യമില്ലെന്ന് അമേരിക്കൻ പ്രസിഡൻ്റ് ഡൊണാൾഡ് ട്രംപ് വ്യക്തമാക്കി. കരാർ കാനഡയ്ക്കും മെക്സിക്കോയ്ക്കുമാണ് കൂടുതൽ പ്രയോജനപ്പെടുന്നതെന്നും അമേരിക്കയുടെ താൽപര്യങ്ങൾ കൂടുതൽ സംരക്ഷിക്കുന്ന പുതിയ വ്യാപാര ക്രമീകരണമാണ് ആവശ്യമായതെന്നും ട്രംപ് പറഞ്ഞു.
കാനഡയും മെക്സിക്കോയും തമ്മിലുള്ള വ്യാപാരബന്ധങ്ങൾ പുനഃപരിശോധിക്കുന്ന സാഹചര്യത്തിലാണ് അദ്ദേഹത്തിന്‍റെ പ്രസ്താവന. വാഹന നിർമ്മാണം, സ്റ്റീൽ, അലുമിനിയം, കാർഷിക ഉൽപ്പന്നങ്ങൾ തുടങ്ങിയ മേഖലകളിൽ അമേരിക്കയ്ക്ക് കൂടുതൽ അനുകൂലമായ വ്യവസ്ഥകൾ വേണമെന്നാണ് ട്രംപ് ഭരണകൂടത്തിന്‍റെ നിലപാട്. CUSMA കരാർ ഉടൻ അവസാനിക്കുന്നില്ലെങ്കിലും, ട്രംപിന്‍റെ നിലപാട് വടക്കേ അമേരിക്കൻ വ്യാപാരബന്ധങ്ങളിൽ കൂടുതൽ അനിശ്ചിതത്വത്തിന് വഴിവെച്ചിരിക്കുകയാണ്. അമേരിക്ക, കാനഡ, മെക്സിക്കോ എന്നീ രാജ്യങ്ങൾ തമ്മിലുള്ള തുടർ ചർച്ചകളുടെ ഫലമാണ് കരാറിന്‍റെ ഭാവി നിർണയിക്കുക.
