റെക്കോര്ഡ് വരുമാന നേട്ടം സ്വന്തമാക്കി കാനഡയിലെ രണ്ടാമത്തെ വലിയ ബാങ്കായ ടിഡി ബാങ്ക്. 2025-ലെ ആദ്യ മൂന്നു മാസത്തില് ബാങ്കിന്റെ അറ്റാദായത്തില് 16% വര്ധനയും 213 കോടി ഡോളറിന്റെ റെക്കോര്ഡ് വരുമാനവും റിപ്പോര്ട്ട് ചെയ്തു. ഒരു വര്ഷം മുമ്പത്തേതിനേക്കാള് 10% വര്ധനയാണിതെന്നും വ്യാഴാഴ്ച പുറത്തിറക്കിയ ത്രൈമാസ വരുമാന റിപ്പോര്ട്ടില് പറയുന്നു. യുഎസ് ധനകാര്യ സേവന സ്ഥാപനമായ ചാള്സ് ഷ്വാബ് SCHW.N-ല് ശേഷിക്കുന്ന ഇക്വിറ്റി നിക്ഷേപത്തിന്റെ വില്പ്പന ഉള്പ്പെടെ, വ്യാപാരവുമായി ബന്ധപ്പെട്ട വരുമാനത്തിലും അണ്ടര്റൈറ്റിങ് ഫീസുകളിലും ഉണ്ടായ വര്ധനയാണ് നേട്ടത്തിന് കാരണമെന്ന് ടിഡി ബാങ്ക് എക്സിക്യൂട്ടീവായ റെയ്മണ്ട് ചുന് അറിയിച്ചു.
എന്നാല്, കാനഡ-യുഎസ് വ്യാപാരയുദ്ധത്തിന്റെ പശ്ചാത്തലത്തില് ഭാവിയില് വായ്പകള് നല്കുന്നതിനായി 134 കോടി ഡോളര് നീക്കിവെച്ചതായും ബാങ്ക് പറയുന്നു. ഇത് ഒരു വര്ഷം മുമ്പ് 107 കോടി ഡോളറായിരുന്നു. കൂടാതെ ഏകദേശം 2% അല്ലെങ്കില് ഏകദേശം 2,000 ജീവനക്കാരെ പിരിച്ചുവിടുക, ബിസിനസ്സ് അടച്ചുപൂട്ടലുകള്, എക്സിറ്റുകള് എന്നിവ ഉള്പ്പെടെ പ്രതിവര്ഷം ആറ് കോടി അമ്പത് ലക്ഷം ഡോളര് വരെ ലാഭിക്കുന്നതിനുള്ള ഒരു പുനര്നിര്മ്മാണ പരിപാടിയും ബാങ്ക് പ്രഖ്യാപിച്ചു.
