ന്യൂയോർക്ക് ആസ്ഥാനമായി പ്രവർത്തിക്കുന്ന മലയാളി ക്രൈസ്‌തവ കൂട്ടായ്മയായ സെൻ്റ് തോമസ് എക്യൂമെനിക്കൽ ഫെഡറേഷൻ ഓഫ് നോർത്ത് അമേരിക്ക (STEFNA) യുടെ 2026–27 വർഷത്തെ പ്രവർത്തനോദ്ഘാടനവും സെൻ്റ് തോമസ് ദിനാചരണവും ആഘോഷിക്കുന്നു. ജൂൺ 28 ഞായറാഴ്ച വൈകുന്നേരം നാലിന് ൽമോണ്ടിലുള്ള സെൻ്റ് ഗ്രീഗോറിയോസ് ഓർത്തഡോക്സ് ദേവാലയത്തിൽ നടക്കുന്ന പരിപാടിയിൽ 2026–27 വർഷത്തെ പ്രവർത്തനോദ്ഘാടനം മാർത്തോമ്മാ സഭയുടെ നോർത്ത് അമേരിക്കൻ ഭദ്രാസനാധിപൻ അഭിവന്ദ്യ ഡോ. ഏബ്രഹാം മാർ പൗലോസ് എപ്പിസ്കോപ്പ നിർവ്വഹിക്കും. ബിഷപ്പ് ഡോ. ജോൺസി ഇട്ടി അനുഗ്രഹപ്രഭാഷണം നടത്തും.
വിവിധ സഭകളിലെ വൈദീകരും വിശ്വാസികളും പങ്കെടുക്കുന്ന ചടങ്ങിലെ ഗാനശുശ്രുഷക്ക് വിവിധ ഇടവകകളിലെ ഗായകസംഘാംങ്ങൾ നേതൃത്വം നൽകും. റവ. ഫാ. ജോൺ തോമസ് (പ്രസിഡൻ്റ്) റവ. ബിജു പി. സൈമൺ (ക്ലർജി വൈസ് പ്രസിഡൻ്റ്) ജോസഫ് വി. തോമസ് (അത്മായ വൈസ് പ്രസിഡൻ്റ് & പ്രോഗ്രാം കൺവീനർ) ജോബി ജോർജ് (സെക്രട്ടറി), ജോൺ താമരവേലിൽ (ട്രഷറർ) എന്നിവരടങ്ങുന്ന കമ്മിറ്റി പരിപാടിയുടെ വിജയകരമായ നടത്തിപ്പിന് നേതൃത്വം നൽകുന്നു.
