ദുബായ്: ഫിലിപ്പിനോ പെൺകുട്ടികളുടെ പ്രശസ്ത സംഗീതബാൻഡായ എസ്.ബി ഗേൾസിന്റെ (SB Girls) യു.എ.ഇ പര്യടനത്തിൽ പ്രധാന മാറ്റങ്ങൾ പ്രഖ്യാപിച്ച് സംഘാടകർ. മുൻപ് പ്രഖ്യാപിച്ചിരുന്ന രണ്ടു വെവ്വേറെ പരിപാടികൾക്ക് പകരം, ഓഗസ്റ്റ് 8-ന് അബുദാബിയിലെ പ്രശസ്തമായ എത്തിഹാദ് അരീനയിൽ (Etihad Arena) ഒറ്റ വൻകിട സംഗീത വിരുന്നായി പരിപാടി നടത്താൻ പ്രൊഡ്യൂസർമാരായ പ്രോഎക്സ്പെർട്സും ലക്ചറിസ്റ്റ് സി.ബി.എം ഹൗസ് ഈവന്റ്സും തീരുമാനിച്ചു.
അതേസമയം, ആരാധകർ ആകാംക്ഷയോടെ കാത്തിരിക്കുന്ന ദുബായ് ഷോ റദ്ദാക്കിയിട്ടില്ലെന്ന് പ്രോഎക്സ്പെർട്സ് അറിയിച്ചു. ഓഗസ്റ്റ് 8-ന് അബുദാബിയിൽ നടക്കുന്ന ലൈവ് കോൺസെർട്ടിനിടെ എസ്.ബി ഗേൾസ് അംഗങ്ങൾ തന്നെ ദുബായ് പരിപാടിയുടെ തീയതിയും മറ്റ് വിവരങ്ങളും നേരിട്ട് പ്രഖ്യാപിക്കും.
യു.എ.ഇയിലുടനീളമുള്ള ആരാധകരെ ഒരൊറ്റ വേദിയിൽ അണിനിരത്തി കൂടുതൽ ഗംഭീരവും അവിസ്മരണീയവുമായ അനുഭവമൊരുക്കാനാണ് ഈ തീരുമാനമെന്ന് സംഘാടകർ വ്യക്തമാക്കി. ഓഗസ്റ്റ് 9-ന് ദുബായ് വേൾഡ് ട്രേഡ് സെന്ററിൽ നടക്കാനിരുന്ന പരിപാടിക്കായി ടിക്കറ്റ് എടുത്തവർക്ക് അബുദാബി ഷോയിലേക്ക് സൗജന്യമായി ഉയർന്ന കാറ്റഗറി സീറ്റുകളിലേക്ക് അപ്ഗ്രേഡ് ചെയ്തു നൽകും. കൂടാതെ, വി.ഐ.പി ടിക്കറ്റ് സ്വന്തമാക്കിയവർക്ക് പരിപാടിക്ക് ശേഷം ബാന്റ് അംഗങ്ങളുമായി നേരിട്ട് സംവദിക്കാനുള്ള (Meet-and-Greet) പ്രത്യേക അവസരവും ലഭിക്കുമെന്ന് അധികൃതർ അറിയിച്ചു.
