ഒൻ്റാരിയോ മുനിസിപ്പൽ തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പണം ഇന്ന് ഉച്ചകഴിഞ്ഞ് അവസാനിക്കും. ഒക്ടോബർ 26-ന് നടക്കുന്ന തിരഞ്ഞെടുപ്പിനായി സ്ഥാനാർത്ഥികൾക്ക് ഉച്ചകഴിഞ്ഞ് രണ്ടു വരെ നാമനിർദ്ദേശ പത്രിക സമർപ്പിക്കാം. അതേസമയം ടൊറൻ്റോയിലെയും മിസ്സിസാഗയിലെയും മേയർ സ്ഥാനാർത്ഥികൾ ഉൾപ്പെടെ നാമനിർദ്ദേശ പത്രിക സമർപ്പിച്ചിട്ടുണ്ട്.
മുൻ ലിബറൽ എംപി നേറ്റ് എർസ്കൈൻ-സ്മിത്ത് ഉൾപ്പെടെയുള്ളവർ മത്സരിക്കുമെന്ന് പ്രഖ്യാപിച്ചിട്ടുണ്ട്. നേറ്റ് എർസ്കൈൻ കിഴക്കൻ ടൊറൻ്റോ വാർഡായ ബീച്ചസ്-ഈസ്റ്റ് യോർക്ക് റൈഡിങ്ങിൽ ആയിരിക്കും മത്സരിക്കുക. ടൊറൻ്റോയിൽ, മുൻ ഫെഡറൽ കൺസർവേറ്റീവ് മന്ത്രി ക്രിസ് അലക്സാണ്ടറും നിലവിലെ കൗൺസിൽ അംഗം ബ്രാഡ് ബ്രാഡ്ഫോർഡും ഉൾപ്പെടെയുള്ള മുതിർന്ന രാഷ്ട്രീയക്കാർ മേയർ ഒലിവിയ ചൗവിനൊപ്പം മത്സരരംഗത്തുണ്ട്.
