നോവസ്കോഷയിലെ ന്യൂ ഗ്ലാസ്ഗോ മലയാളി അസോസിയേഷൻ (NGMA) ഓണാഘോഷം ‘ഓണപ്പുലരി 2026’ നാളെ (ഓഗസ്റ്റ് 15, ശനിയാഴ്ച) നടക്കും. വെസ്റ്റ് സൈഡ് കമ്മ്യൂണിറ്റി സെന്ററിൽ (Westside Community Centre) രാവിലെ ഒമ്പതിന് ഓണാഘോഷപരിപാടികൾ ആരംഭിക്കും.
ഓണപ്പൂക്കളം, വടംവലി മത്സരം, വിവിധ സാംസ്കാരിക-കലാപരിപാടികൾ, നൃത്തപ്രകടനങ്ങൾ, ഗെയിമുകൾ എന്നിവയുമുണ്ടായിരിക്കും. കൂടാതെ വിഭവസമൃദ്ധമായ ഓണസദ്യയും ആഘോഷങ്ങളുടെ ഭാഗമായി ഒരുക്കിയിട്ടുണ്ട്.മുതിർന്നവർക്ക് 25 ഡോളറും 5 – 15 വയസ്സ് വരെയുള്ള കുട്ടികൾക്ക് 15 ഡോളറുമാണ് പ്രവേശന ഫീസ്. അസോസിയേഷൻ അംഗങ്ങൾക്ക് പ്രത്യേക ഡിസ്കൗണ്ട് ലഭ്യമാണ്.
