കാലിഫോർണിയയിലെ ട്രേസി നഗരത്തിലുണ്ടായ തീപിടിത്തത്തിൽ മെഡിക്കൽ സപ്ലൈ വെയർഹൗസ് പൂർണ്ണമായും കത്തി നശിച്ചതായി റിപ്പോർട്ട്. വ്യാഴാഴ്ച ഉച്ചയോടെ മെഡ്ലൈൻ ഇന്റസ്ട്രീസിന്റെവിതരണ കേന്ദ്രത്തിലാണ് തീപിടിത്തം ഉണ്ടായത്. തുടർന്ന് ഏകദേശം 10 ലക്ഷം ചതുരശ്ര അടി കെട്ടിടം മുഴുവൻ തീയിൽ കത്തിനശിച്ചു. ജീവനക്കാരെ സുരക്ഷിതമായി ഒഴിപ്പിച്ചു. ആളപായം ഇതുവരെ റിപ്പോർട്ട് ചെയ്തിട്ടില്ല.
നിരവധി ഫയർ യൂണിറ്റുകൾ തീ നിയന്ത്രണവിധേയമാക്കാൻ ശ്രമിക്കുന്നുണ്ട്. സമീപത്തെ വ്യവസായ സ്ഥാപനങ്ങൾക്കും തീ പടരാനുള്ള സാധ്യത ഉണ്ടായതിനാൽ ജീവനക്കാരെ മാറ്റി. തീപിടിത്തത്തിന്റെ കാരണം വ്യക്തമല്ല. അന്വേഷണം തുടരുന്നു.
