പ്രശസ്തമായ ‘ബ്രേക്കിംഗ് ബാഡ്’ (Breaking Bad) എന്ന പരമ്പരയിലൂടെ ശ്രദ്ധേയനായ നടൻ ആർ.ജെ. മിട്ടെ അന്തരിച്ചു. 34 വയസ്സായിരുന്നു. ഒക്ടോബർ 12-ന് ടെക്സസിലെ ബ്രൗൺസ്വില്ലെയിലായിരുന്നു അന്ത്യം. മരണകാരണം ഔദ്യോഗികമായി പുറത്തുവിട്ടിട്ടില്ല.

‘ബ്രേക്കിംഗ് ബാഡ്’ എന്ന പരമ്പരയിൽ വാൾട്ടർ വൈറ്റ് ജൂനിയർ എന്ന കഥാപാത്രത്തെ അവതരിപ്പിച്ചാണ് മിട്ടെ ലോകമെമ്പാടും പ്രശസ്തനായത്. തനിക്ക് ബാധിച്ചിരുന്ന സെറിബ്രൽ പാൽസി എന്ന അവസ്ഥയെ വെല്ലുവിളിയായി കാണാതെ, അതിനെ കഥാപാത്രത്തിലേക്ക് പകർന്നുകൊണ്ട് അദ്ദേഹം അഭിനയരംഗത്ത് വലിയ മാറ്റങ്ങൾ സൃഷ്ടിച്ചു. അഭിനയത്തിന് പുറമെ ഭിന്നശേഷിക്കാരുടെ അവകാശങ്ങൾക്കായുള്ള പോരാട്ടങ്ങളിലും ജീവകാരുണ്യ പ്രവർത്തനങ്ങളിലും അദ്ദേഹം സജീവമായിരുന്നു. ദ മിട്ടെ ഫൗണ്ടേഷന്‍റെ പ്രസിഡൻ്റായും, യുണൈറ്റഡ് സെറിബ്രൽ പാൽസി, ശ്രൈനേഴ്സ് ചിൽഡ്രൻസ് എന്നിവയുടെ അംബാസഡറായും അദ്ദേഹം പ്രവർത്തിച്ചിരുന്നു.