ചൈനയിലെ ഏറ്റവും വലിയ വാഹന നിർമ്മാതാക്കളിൽ ഒരാൾ കാനഡയിലേക്ക് വരുന്നു. ഒട്ടേവ ഈ വർഷം പുതിയ ഇറക്കുമതി ക്വാട്ടകൾ ഏർപ്പെടുത്തിയതിന് ശേഷമുള്ള ആദ്യ നീക്കമെന്ന നിലയിൽ, അടുത്ത വർഷം ഇവിടെ ഇലക്ട്രിക് വാഹനങ്ങൾ വിൽക്കാൻ തുടങ്ങുമെന്ന് ജിലീ ഓട്ടോ (Geely Auto) വെള്ളിയാഴ്ച അറിയിച്ചു.
ആദ്യത്തെ കാനഡ വാഹനങ്ങൾ, ചില്ലറവ്യാപരണ, സേവന കേന്ദ്രങ്ങൾ, വിലവിവരങ്ങൾ, ലഭ്യത എന്നിവയെക്കുറിച്ചുള്ള വിശദാംശങ്ങൾ വെളിപ്പെടുത്തിയിട്ടില്ല. BYD-ക്ക് ശേഷം ചൈനയിലെ രണ്ടാമത്തെ വലിയ ഇലക്ട്രിക് വാഹത നിർമ്മാതാക്കളായ ഹാങ്ഷൗ ആസ്ഥാനമായുള്ള ജിലീയുടെ 2027 ലെ വാണിജ്യ ലോഞ്ചിനോടനുബന്ധിച്ച് ഇവ പ്രഖ്യാപിക്കുമെന്ന് കമ്പനി അറിയിച്ചു. ജിലീ ഓട്ടോയുടെ അന്താരാഷ്ട്ര വളർച്ചയിലെ ഒരു പ്രധാന അടുത്ത ഘട്ടമാണ് കാനഡ എന്ന് ജിലീ ഓട്ടോ കാനഡ മാനേജിംഗ് ഡയറക്ടർ ബ്രയാൻ വു പ്രസ്താവനയിൽ വ്യക്തമാക്കി. പ്രധാനമന്ത്രി മാർക്ക് കാർണി ജനുവരിയിൽ ചൈനയിൽ നടത്തിയ വ്യാപാര മിഷനിടയിൽ ഒപ്പുവെച്ച കരാറിന്റെ ഭാഗമായി, ചൈനീസ് നിർമ്മിത ഇലക്ട്രിക് വാഹനങ്ങളിൽ പ്രതിവർഷം 49,000 എണ്ണം വരെ 6.1 ശതമാനം തീരുവയിൽ കാനഡയിലേക്ക് പ്രവേശിക്കാൻ ഈ വർഷം അനുമതി നൽകി. ഇത് മുൻപുണ്ടായിരുന്ന 100 ശതമാനം നിരക്കിൽ നിന്നുള്ള വലിയൊരു വെട്ടിക്കുറയ്ക്കലാണ്. ഊർജ്ജം, നിർമ്മാണം, ആധുനിക മരനിർമ്മാണം എന്നിവയിൽ ധാരണാപത്രങ്ങളും (MOUs) ഒപ്പുവെച്ചിരുന്നു.
