പോളിങ് ബൂത്തുകളിൽ ജീവനക്കാർ ഇംഗ്ലീഷ് സംസാരിക്കുന്നത് പരിമിതപ്പെടുത്തുന്ന നിലവിലെ നിയന്ത്രണത്തിൽ മാറ്റം വരുത്തില്ലെന്ന് ഇലക്ഷൻസ് ക്യുബെക്ക് വ്യക്തമാക്കി. ഒക്ടോബർ അഞ്ച് തിങ്കളാഴ്ച നടക്കുന്ന പ്രവിശ്യാ തിരഞ്ഞെടുപ്പിന് മുന്നോടിയായി ഈ നിയന്ത്രണം പിൻവലിക്കണമെന്ന് അഭിഭാഷകർ ആവശ്യപ്പെട്ടിരുന്നു. എന്നാൽ, കോടതിയുടെ പ്രത്യേക ഉത്തരവ് ഉണ്ടെങ്കിൽ മാത്രമേ ഈ രീതിയിൽ മാറ്റം വരുത്താൻ കഴിയൂ എന്ന് ഏജൻസി അറിയിച്ചു. കൂടാതെ ‘ഫ്രഞ്ച് ഭാഷാ ചാർട്ടർ’ (Charter of the French Language) പാലിക്കാൻ തങ്ങൾ ബാധ്യസ്ഥരാണെന്നും ഏജൻസി വ്യക്തമാക്കി.
അതേസമയം തിരഞ്ഞെടുപ്പിന് മുന്നോടിയായി വോട്ടർമാർക്ക് അയക്കുന്ന അറിയിപ്പ് കാർഡുകൾ ഫ്രഞ്ചിന് ഒപ്പം ഇംഗ്ലീഷിലും തയ്യാറാക്കണമെന്ന് കോടതി ഉത്തരവിട്ടിരുന്നു. എന്നാൽ, രേഖാമൂലമുള്ള ആശയവിനിമയങ്ങൾക്ക് മാത്രമേ ഈ വിധി ബാധകമാകൂ എന്നും, പോളിങ് ബൂത്തുകളിലെ വാക്കാലുള്ള ആശയവിനിമയങ്ങൾക്ക് ഇത് ബാധകമല്ലെന്നും ‘ഇലക്ഷൻസ് ക്യുബെക്’ പറയുന്നു.
