നേരിയ ഇടിവിന് ശേഷം കാല്ഗറിയില് വീണ്ടും ഇന്ധനവില വർധിച്ചു. തിങ്കളാഴ്ചയെ അപേക്ഷിച്ച് ഏകദേശം 17 സെൻ്റ് വർധിച്ച് നഗരത്തിലെ ഭൂരിഭാഗം ഫില്ലിങ് സ്റ്റേഷനുകളിലും പെട്രോള് വില ലിറ്ററിന് 1.72 ഡോളര് എന്ന നിരക്കിലാണ് ഈടാക്കുന്നത്. മിഡില് ഈസ്റ്റില് തുടരുന്ന അനിശ്ചിതാവസ്ഥയും ആഗോള വിപണിയില് അസംസ്കൃത എണ്ണയുടെ ലഭ്യത കുറവുമാണ് വില വീണ്ടും ഉയരാന് കാരണമായത്.
നിലവില് വിലയില് വര്ധന ഉണ്ടായിട്ടുണ്ടെങ്കിലും, ഈ വാരത്തിന്റെ അവസാനം വരെ ഇന്ധനവിലയില് വലിയ മാറ്റങ്ങളില്ലാതെ സ്ഥിരത തുടരുമെന്നാണ് ഊര്ജ്ജ മേഖലയിലെ വിദഗ്ധരുടെ വിലയിരുത്തല്. കാനഡയിലുടനീളമുള്ള ഇന്ധന നിരക്കുകള് പരിശോധിക്കുകയാണെങ്കില് ബ്രിട്ടിഷ് കൊളംബിയയിലാണ് ഇപ്പോഴും ഏറ്റവും ഉയര്ന്ന നിരക്ക്. അതേസമയം ആല്ബര്ട്ട, സസ്കച്വാന് എന്നീ പ്രവിശ്യകള് കാനഡയില് ഏറ്റവും കുറഞ്ഞ നിരക്കില് ഇന്ധനം ലഭിക്കുന്ന പ്രദേശങ്ങളായി തുടരുന്നു.
