കനേഡിയൻ ബിസിനസ് ജെറ്റ് നിർമാതാക്കളായ ബോംബാർഡിയറിന്റെ വിമാനങ്ങൾ അമേരിക്കൻ വിപണിയിൽ വിൽക്കുന്നത് പൂർണ്ണമായി നിരോധിക്കുമെന്ന യുഎസ് പ്രസിഡന്റ് ഡോണൾഡ് ട്രംപിന്റെ മുന്നറിയിപ്പ് വലിയ രാഷ്ട്രീയ ചർച്ചകൾക്കാണ് വഴിതുറന്നിരിക്കുന്നത്. വിമാന നിർമാണം അമേരിക്കയിലേക്ക് മാറ്റാത്ത പക്ഷം രാജ്യത്ത് വിൽപന അനുവദിക്കില്ലെന്നാണ് ട്രംപിന്റെ നിലപാട്. അമേരിക്കയെ ലാഭം കൊയ്യാനുള്ള വഴിയായി കാണാൻ അനുവദിക്കില്ലെന്നും, വ്യവസായങ്ങൾ യുഎസിൽ തുടങ്ങി തൊഴിലവസരങ്ങൾ സൃഷ്ടിക്കണമെന്ന ‘അമേരിക്ക ഫസ്റ്റ്’ നയമാണ് ട്രംപ് ഇതിലൂടെ ആവർത്തിക്കുന്നത്.
എന്നാൽ ട്രംപിന്റെ ഈ കടുത്ത തീരുമാനത്തിനെതിരെ സ്വന്തം റിപ്പബ്ലിക്കൻ പാർട്ടിയിൽ നിന്നും കടുത്ത എതിർപ്പാണ് ഉയരുന്നത്. അമേരിക്കൻ തൊഴിലാളികൾക്കും പ്രാദേശിക മേഖലകൾക്കും അത്യന്താപേക്ഷിതമായ ഈ കമ്പനിയെ നിരോധിക്കുന്നത് യുഎസിന് തന്നെ നഷ്ടമാണെന്നാണ് കൻസാസിൽ നിന്നുള്ള സെനറ്റർ ജിമ്മി ലാൻഡിന്റെ വാദം. കാനഡയുമായുള്ള വ്യാപാര ബന്ധങ്ങളെ ബാധിക്കുന്ന ട്രംപിന്റെ ഈ പുതിയ നിലപാട് പാർട്ടിയിൽ പുതിയ തർക്കങ്ങൾക്ക് കാരണമായിരിക്കുകയാണ്.
