ടൊറൻ്റോ നഗരത്തിൽ പുതിയ ഏരിയ കോഡായ “942” ഏപ്രിൽ 26 ശനിയാഴ്ച മുതൽ നിലവിൽ വരും. നഗരത്തിലെ നാലാമത്തെ ഏരിയ കോഡാണിത്. 2026 ഏപ്രിലോടെ നഗരത്തിന്റെ നിലവിലെ ഏരിയ കോഡുകൾ പ്രവർത്തനരഹിതമാകുമെന്ന റിപ്പോർട്ടിന് പിന്നാലെയാണ്
കനേഡിയൻ റേഡിയോ-ടെലിവിഷൻ ആൻഡ് ടെലികമ്മ്യൂണിക്കേഷൻസ് കമ്മീഷൻ 2023-ൽ “942” എന്ന നമ്പർ ഏരിയ കോഡായി അംഗീകരിച്ചത്.
നിലവിൽ സജീവമായ ടൊറൻ്റോ ഏരിയ കോഡുകളിൽ 416, 647, 437 എന്നിവയാണ്. ജിടിഎയിൽ നിലവിൽ ഉപയോഗത്തിലുള്ള കോഡുകൾ 905, 289, 365, 742 എന്നീ നമ്പറുകളാണ്. ടൊറൻ്റോയിലെ ഏറ്റവും പഴയ ഏരിയ കോഡ് 416 ആണ്, ഈ നമ്പർ 1947-ലാണ് നിലവിൽ വന്നത്.
