ഓട്ടവ : ജസ്റ്റിൻ ട്രൂഡോയുടെ പിൻഗാമിയാകാൻ ഇന്ത്യൻ വംശജയും വ്യവസായിയും മോഡലുമായ റൂബി ധല്ലയും രംഗത്ത്. 2004 മുതൽ 2011 വരെ പാർലമെൻ്റ് അംഗമായിരുന്ന റൂബി കനേഡയിൻ പാർലമെൻ്റിലേക്ക് തിരഞ്ഞെടുക്കപ്പെട്ട ആദ്യ സിഖ് വനിത കൂടിയാണ്. പഞ്ചാബിൽ നിന്ന് മാനിറ്റോബയിലേക്ക് കുടിയേറിയ സിഖ് കുടുംബമാണ് റൂബിയുടേത്.

പ്രധാനമന്ത്രിയായി തിരഞ്ഞെടുക്കപ്പെട്ടാൽ ഉയർന്ന നികുതി, വിലവർധന തുടങ്ങിയ പ്രശ്നങ്ങൾ പരിഹരിക്കുന്നതിന് പ്രാധാന്യം നൽകുമെന്നും യുവ സംരഭകർക്ക് എല്ലാ വിധ പിന്തുണയും നൽകുമെന്നും റൂബി പറയുന്നു. ഇന്ത്യയടക്കമുള്ള വിദേശ രാജ്യങ്ങളുമായുള്ള സൗഹൃദവും വാണിജ്യ പങ്കാളിത്തവും മെച്ചപ്പെടുത്താനുള്ള നടപടികളും സ്വീകരിക്കുമെന്നും അവർ വ്യക്തമാക്കി.