ശൈത്യകാലത്തിന് മുന്നോടിയായി, എഡ്മിന്‍റനിൽ നിന്നും 4 പുതിയ സൺ ഡെസ്റ്റിനേഷനുകൾ ആരംഭിക്കുമെന്ന് പോർട്ടർ എയർലൈൻസ് അറിയിച്ചു. മെക്സിക്കോയിലെ പ്യൂർട്ടോ വല്ലാർട്ടയിലേക്കുള്ള ആദ്യ വിമാന സർവീസോടെ ഊഷ്മളമായ കാലാവസ്ഥയുള്ള വിനോദസഞ്ചാര കേന്ദ്രങ്ങളിലേക്കുള്ള പുതിയ സർവീസുകൾക്ക് ഇന്ന് തുടക്കമാകും. തുടർന്ന് അരിസോനയിലെ ഫീനിക്സ്, നെവാഡയിലെ ലാസ് വേഗസ് എന്നിവിടങ്ങളിലേക്കും മെക്സിക്കോയിലെ തന്നെ ലോസ് കാബോസിലേക്കും ഈ മാസം സർവീസുകൾ ആരംഭിക്കുമെന്നും പോർട്ടർ എയർലൈൻസ് പ്രഖ്യാപിച്ചു.

പ്യൂർട്ടോ വല്ലാർട്ടയിലേക്കും ലോസ് കാബോസിലേക്കുമുള്ള സർവീസുകൾ, ആൽബർട്ടയിൽ നിന്നുള്ള പോർട്ടർ എയർലൈൻസിന്‍റെ ആദ്യ അന്താരാഷ്ട്ര വിമാന സർവീസുകളാണ്. ടൊറൻ്റോയിലേക്കും തിരിച്ചും നേരിട്ടുള്ള വിമാന സർവീസുകളോടെ 2023-ലാണ് പോർട്ടർ എയർലൈൻസ് എഡ്മിന്‍റനിൽ പ്രവർത്തനം ആരംഭിച്ചത്.