ഹാലോവീൻ ആഘോഷത്തിന് ദിവസങ്ങൾ മാത്രം ശേഷിക്കെ, ശൈത്യകാലത്തിന്‍റെ വരവറിയിച്ച് എഡ്മിന്‍റനിൽ ബുധനാഴ്ച രാവിലെ മുതൽ കനത്ത മഞ്ഞുവീഴ്ച അനുഭവപ്പെട്ടു. മഞ്ഞുവീഴ്ച വ്യാഴാഴ്ചയും തുടരുമെന്ന് എൻവയൺമെൻ്റ് കാനഡ മുന്നറിയിപ്പ് നൽകി. മധ്യ ആൽബർട്ടയുടെ ചില ഭാഗങ്ങളിൽ 15 സെൻ്റിമീറ്ററിലധികം മഞ്ഞ് വീഴാൻ സാധ്യതയുണ്ടെന്നും കാലാവസ്ഥാ വകുപ്പ് റിപ്പോർട്ട് ചെയ്തു.
നഗരത്തിനും സമീപപ്രദേശങ്ങളിലുമുള്ളവർ ജാഗ്രത പാലിക്കണമെന്നും മഞ്ഞുവീഴ്ച ഗതാഗതക്കുരുക്കിന് കാരണമാകുമെന്നും കാലാവസ്ഥാ വകുപ്പ് അറിയിച്ചു. റോഡ് മഞ്ഞു മൂടിക്കിടക്കുന്നതിനാൽ ഡ്രൈവർമാർ ശ്രദ്ധിക്കണമെന്നും അധികൃതർ അഭ്യർത്ഥിച്ചു.
